web counter
LEXO PA REKLAMA!

SHKARKO APP

App Store
Google Play

E fundit!

x

Marrëveshje me Iranin?/Netanyahu: Trump po krijon kushtet për një të tillë

12 Shkurt 2026, 20:12, Kosova & Bota CNA

Marrëveshje me Iranin?/Netanyahu: Trump po krijon kushtet për një

Kryeministri i Izraelit, Benjamin Netanyahu është shprehur ditën e sotme se shpreson që Presidenti i SHBA-së Donald Trump të krijojë kushtet që mund të çojnë në një marrëveshje me Iranin.

Netanyahu, i cili u takua me Trump në Shtëpinë e Bardhë ditën e djeshme, theksoi se nëse arrihet më në fund një marrëveshje ajo duhet të përfshijë elementë që konsiderohen shumë të rëndësishëm për Izraelin.

Këto elementë sipas tij përfshijnë, përfundimin e programit bërthamor të Teheranit, kufizimet në raketat e tij balistike dhe mbështetjen për grupet e armatosura si Hezbollahu i Libanit, Hamasi i Gazës dhe Huthitët e Jemenit.

“Kushtet që po krijon Trump të kombinuara me faktin se iranianët  sigurisht e kuptojnë se bënë një gabim herën e fundit, kur nuk arritën një marrëveshje, mund të sjellin arritjen e një marrëveshjeje të mirë", tha Netanyahu para se të nisej nga Uashingtoni.

Takimi i djeshëm midis Trump dhe Netanyahu u zhvilluar me dyer të mbyllura dhe zgjati dy orë e gjysmë. Presidenti amerikan tha se takimi shkoi shumë mire, por theksoi se nuk u morën vendime të mëdha, duke sugjeruar se ai nuk i miratoi propozimet e kryeministrit izraelit.

 Vizita e Netanyahut shënon udhëtimin e tij të gjashtë në SHBA që nga rikthimi i Trump në detyrë, më shumë se çdo udhëheqës tjetër botëror. Vizita e Netanyahut vjen në një kohë kur SHBA-të rrisin praninë e tyre ushtarake në Lindjen e Mesme, me Trump që e paralajmëron Teheranin për sulme nëse nuk arrin një marrëveshje për programin e tij bërthamor dhe nuk ndalon vrasjen e protestuesve. /CNA





Lajmet e fundit nga