web counter
LEXO PA REKLAMA!

SHKARKO APP

App Store
Google Play

Skandali "Mandelson-Epstein"/ Një tjetër zyrtar i qeverisë britanike jep dorëheqjen

12 Shkurt 2026, 19:15, Kosova & Bota CNA

Skandali "Mandelson-Epstein"/ Një tjetër zyrtar i

Shefi i kabinetit të kryeministrit britanik Keir Starmer, Sir Chris Wormald, ka dhënë dorëheqjen. Wormald, bëhet zyrtari i tretë i lartë që largohet nga qeveria ditët e fundit, pas skandalit që shpërtheu për lidhjet e Peter Mandelson me Jeffrey Epstein.

“Jam shumë mirënjohës ndaj Sir Chris për karrierën e tij të gjatë dhe të shquar si nëpunës publik, që përfshin mbi 35 vjet, dhe për mbështetjen që më ka dhënë gjatë vitit të kaluar. Kam rënë dakord me të që ai sot të japë dorëheqjen nga pozicioni i Sekretarit të Kabinetit”, tha kryeministri Keir Starmer.

Chris Wormald tha se mandati i tij kishte qenë një nder dhe një privilegj, duke shprehur falënderimet e tij për ish-kolegët e tij. Pas vetëm një viti në detyrë, ai u emërua në dhjetor 2024, Wormald u bë sekretari kryesor me shërbimin më të shkurtër në Britani.

Kryeministri Keir Starmer është vënë nën presion, madje edhe nga brenda partisë së tij, për të dhënë dorëheqjen për shkak të vendimit të tij për të emëruar Peter Mandelson si ambasador në Shtetet e Bashkuara të Amerikës. Dosjet e publikuara së fundmi nga Departamenti i Drejtësisë i SHBA-së zbuluan lidhjet e ngushta të Mandelson me abuzuesin seksual Jeffrey Epstein.

Zbulimet i kanë bërë shumë njerëz të vënë në pikëpyetje gjykimin e Starmer, pasi popullariteti i kryeministrit në sondazhe ka qenë në rënie, vetëm 18 muaj pasi ai fitoi lehtësisht zgjedhjet e përgjithshme të Britanisë. /CNA





Lajmet e fundit nga