LEXO PA REKLAMA!

SHKARKO APP

Lideri çeçen "nuk kursen" as djalin e mitur, detyra e rëndësishme që i besoi

29 Nëntor 2023, 10:42, Kosova & Bota CNA
Lideri çeçen "nuk kursen" as djalin e mitur, detyra e
Ramzan dhe Adam Kadyrov

Djali adoleshent i liderit çeçen, Ramzan Kadyrov, është emëruar si truprojë e babait të tij dhe vëzhgues në një batalion të ri që është pjesë e forcave të Ministrisë ruse të Mbrojtjes.

Lajmi është bërë i ditur nga një zyrtar i lartë çeçen, ndërsa "Reuters" raporton se Adam Kadyrov, ka mbushur 16 vjeç vetëm një javë më parë.

Më herët gjatë shtatorit, Adam u shfaq në një video në rrjetet sociale të postuar nga babai i tij Ramzan Kadyrov duke goditur me grushte dhe shkelma një të burgosur të akuzuar për djegien e Kuranit.

Videoja solli reagime të shumta, por Ramzan Kadyrov, një aleat i vendosur i Presidentit Vladimir Putin, tha në atë kohë se ai ishte krenar për djalin e tij dhe e respektonte Adamin për marrjen e idealeve të nderit, dinjitetit dhe mbrojtjes së fesë së tij.

"Ky emërim ishte një rezultat i natyrshëm i shërbimeve të rëndësishme të Adamit në ruajtjen e vlerave fetare, familjare dhe kulturore të popullit tonë," shkroi Delimkhanov në "Telegram", i cili njihet si zyrtari i dytë më i lartë i Çeçenisë pas Kadyrov.

Batalioni çeçen i pushkëve u krijua në fillim të këtij muaji dhe tani është pjesë e forcave të Ministrisë ruse të Mbrojtjes./CNA

 

Lajmet e fundit nga