web counter
LEXO PA REKLAMA!

SHKARKO APP

App Store
Google Play

“Do të largohem për një kohë të gjatë”/ Lideri çeçen heq dorë nga pushteti

3 Shtator 2022, 21:33, Kosova & Bota CNA
“Do të largohem për një kohë të
Ramzan Kadyrov

Ramzan Kadyrov, udhëheqësi i rajonit çeçen të Rusisë, tha në "Telegram" më 3 shtator se po planifikon të marrë një pushim "të pacaktuar dhe të gjatë" nga posti i tij, megjithëse disa ekspertë vunë në dyshim sinqeritetin e njoftimit të tij.

45-vjeçari Kadyrov ka qeverisur republikën ruse të Çeçeninsë që nga viti 2007 dhe është udhëheqësi më jetëgjatë i një rajoni rus.

“E kuptova që kam mbajtur këtë pozicion për një kohë të gjatë”, ka shkruar ai. "Mendoj se ka ardhur koha [për të lënë pushtetin]".

Është e paqartë se çfarë do të bëjë më pas Kadyrov, i cili besohet se ka marrëdhënie të ngushta me presidentin rus Vladimir Putin.

Nën sundimin e tij, rajoni është akuzuar për shkelje masive të të drejtave të njeriut.

Kadyrov në mars thuhet se udhëtoi për në Ukrainë, ku besohet se anëtarët grupit të tij luftojnë përkrah forcave të rregullta ruse.

Njësitë paramilitare çeçene gjerësisht konsiderohen si forca të frikshme ushtarake. Në të kaluarën janë dislokuar, gjoja me autorizimin e Qeverisë, në lindje të Ukrainës, por edhe në shtetet e tjera si Siria./rel





Lajmet e fundit nga