web counter
LEXO PA REKLAMA!

SHKARKO APP

App Store
Google Play

Në dhjetor Austria nxjerr pasaportën më të sigurt në botë

28 Nëntor 2023, 10:25, Kosova & Bota CNA
Në dhjetor Austria nxjerr pasaportën më të sigurt në
Foto ilustruese

Austria do të nxjerrë pasaportën e saj të re në muajin e ardhshëm, duke synuar ta bëjë atë një nga pasaportat më moderne dhe më të sigurta në botë.

Duke filluar nga 1 dhjetori 2023, austriakët kanë të drejtë të aplikojnë për pasaportën e re në pothuajse 900 komuna dhe administrata të rretheve në Austri, raporton "SchengenVisaInfo.com".

Mbrojtja e identitetit dhe masat kundër falsifikimit ishin përparësitë kryesore kur u ridizajnua pasaporta, sipas ministrit të Brendshëm të Austrisë, Gerhard Karner.

Siç kanë bërë të ditur autoritetet austriake, dizajni i pasaportës është ndryshuar tërësisht. Pasaporta e re ka një faqe të dhënash polikarbonate (plastike) me kodin QR, të cilin vendi filloi ta përdorte më parë në kartën e tij të identitetit. Me aplikacionin falas të Ministrisë së Brendshme “CHECK-AT”, kodi ofron kontroll të lehtë elektronik.

Me daljen në treg të pasaportës së re, nuk do të ketë tarifa shtesë për qytetarët. Aktualisht, tarifa e pasaportës në Austri është 75,90 € për të rriturit, 30 € për fëmijët deri në dymbëdhjetë vjeç dhe është falas për fëmijët deri në dy vjeç.

Pasaportat që janë lëshuar më parë do të mbeten të vlefshme deri në datën e skadimit të tyre.

Qeveria austriake ka punuar për zhvillimin e një pasaporte të re që nga viti 2020, me një grup ekspertësh nga Ministria e Brendshme, Zyra Federale e Policisë Kriminale dhe departamentet e policisë së shtetit të Austrisë së Poshtme dhe Burgenland.

Në përgjithësi, pasaporta austriake është ndër pasaportat më të fuqishme në botë. Aktualisht është e renditur si e 17-ta, bazuar në Indeksin e Pasaportave Botërore./CNA

 

 





Lajmet e fundit nga