web counter
LEXO PA REKLAMA!

SHKARKO APP

App Store
Google Play

Shpërthen gripi i shpendëve në Argjentinë/ Ngordhin 220 flamingo

27 Nëntor 2023, 19:21, Kosova & Bota CNA
Shpërthen gripi i shpendëve në Argjentinë/ Ngordhin 220
Foto ilustruese

Në Argjentinë ka shpërthyer gripi i shpendëve.

Zyrtarët kanë konfirmuar se nga gripi kanë ngordhur 220 flamingo në veri-perëndim të Argjentinës.

Disa nga testet e kryera te flamingot në Catamarca të Argjentinës dolën pozitive me gripin e shpendëve.

BBC raporton se këtë fakt e bëri të ditur për mediat lokale zyrtarja e biodiversitetit, Anabella Ahumada.

Autoritetet lokale thanë se kishin marrë masa për të frenuar përhapjen e virusit. Ata gjithashtu paralajmëruan vendasit që të mos preknin asnjë shpend apo kafshë të ngordhur.

Zogjtë e ngordhur janë nga lloji i flamingos së James (Phoenicoparrus jamesi), i cili jeton në lartësi të mëdha në Argjentinë, Bolivi, Kili dhe Peru.

Në lagunat e Catamarcas jetojnë edhe dy lloje të tjera të flamingove, por deri më tani vetëm flamingot e James duket se janë infektuar.

Eskpertët paralajmërojnë se H5N1 lloji i virusit që po përhapet aktualisht në Amerikën e Jugut mund të infektojë gjerësisht shpendët brenda disa ditësh.

Ai gjithashtu mund të përhapet te njerëzit dhe gjitarët e tjerë përmes jashtëqitjeve dhe pështymës.

Në gusht, më shumë se 50 luanë deti ngordhën nga gripi i shpendëve në brigjet e Atlantikut të Argjentinës dhe në fillim të këtij viti mijëra prej tyre u gjetën të ngordhur në Kili dhe Peru./ CNA





Lajmet e fundit nga