web counter
LEXO PA REKLAMA!

SHKARKO APP

App Store
Google Play

Kurti tregon takimet "sekrete" me serbët në Kosovë, arsyeja pse nuk i publikon

16 Nëntor 2023, 10:04, Kosova & Bota CNA
Kurti tregon takimet "sekrete" me serbët në Kosovë,
Kryeministri i Kosovës Albin Kurti

Kryeministri i Kosovës Albin Kurti në një intervistë për “DerStandard” ka rrëfyer se ai ka realizuar disa takime sekrete me serbët që jetojnë në veri të Kosovës, por për disa arsye nuk i ka bërë publike. Kurti thotë se serbët e Veriut të Kosovës ndiehen të kërcënuar e këtë e ka treguar me një rast konkret.

“Janë 47 policë serbë të saporekrutuar. Ne kemi shpërblyer tre milionë euro për bujqësinë, start-up-et dhe OJQ-të në veri. Unë kam qenë disa herë në veri dhe kam takuar serbët; por këto takime nuk bëhen publike sepse njerëzit më kërkojnë. Familjet e tyre janë nën presion. Një serb që e emërova si këshilltar dha dorëheqjen pas dy orësh sepse gruas së tij i humbi menjëherë gjysmën e pagës. Vetëm këtë vit në veri janë djegur 15 automjete me targa të Kosovës” -tha Kurti.

I pyetur se çfarë ndodhi që marrëveshja me Serbinë nuk u arrit në të dyja rastet kur ishte gati, Kurti ka ashpërsuar gjuhën ndaj negociatorëve të BE-së.

“Negociatorët më pyetën se çfarë mendoja për këtë. Thashë që arbitri duhet ti fryjë bilbilit nëse ka pasur shkelje të marrëveshjes. Sa herë që Beogradi shkel marrëveshjen, bilbili nuk fryhet. A mund ta imagjinoni një arbitër që ka humbur bilbilin dhe tani thjesht ndjek lojtarët? Kjo ndoshta ka të bëjë me politikën e qetësimit. Por për shkak se Perëndimi është kaq i butë ndaj Serbisë, në mënyrë paradoksale po e shtyn atë drejt Rusisë, edhe pse synohet e kundërta. Sepse Beogradi ka më shumë dashuri dhe frikë ndaj Moskës sesa Brukselit.” – tha kryeministri Kurti.

Referuar ngajrjes së ndodhur më herët në Banjskë, Kurti ka thënë se Serbia ka qëndrim të ngjashëm ndaj Kosovës si Rusia ndaj Ukrainës, dhe se përmes sulmit Serbia donte një konflikt të madh për një periudhë më të gjatë kohore, duke pasur parasysh se kishte sjellë mbi pesë milionë armë dhe municione të prodhimit serb në Kosovë./CNA

 





Lajmet e fundit nga