web counter
LEXO PA REKLAMA!

SHKARKO APP

App Store
Google Play

E fundit!

x

Cameron, vizitë zyrtare në Ukrainë: Mbështetje ushtarake për aq kohë sa të vazhdojë lufta

16 Nëntor 2023, 09:44, Kosova & Bota CNA
Cameron, vizitë zyrtare në Ukrainë: Mbështetje ushtarake
David Cameron dhe Volodymyr Zelensky në Kiev

Vizitën e tij të parë në postin e Sekretarit të ri të Jashtëm, David Cameron, e ka bërë në Ukrainë ku është takuar me presidentin Volodymyr Zelensky në Kiev.

"BBC" raporton se Cameron premtoi se Britania e Madhe do të vazhdojë mbështetjen morale, diplomatike, ekonomike, por mbi të gjitha ushtarake për Ukrainën, pavarësisht se sa kohë do të zgjasë kjo situatë.

"Ajo që dua të them duke qenë këtu është se ne do të vazhdojmë t'u japim mbështetjen morale, mbështetjen diplomatike dhe mbështetjen ekonomike dhe mbi të gjitha mbështetjen ushtarake që ju nevojitet jo vetëm këtë vit dhe vitin e ardhshëm, por sado kohë që të duhet”- tha Cameron.

Presidenti ukrainas, Zelenksy, falënderoi Cameron për mbështetjen e vazhdueshme të Mbretërisë së Bashkuar si dhe faktin që vizitën e tij të parë të punës Sekretari e bëri në Kiev.

“Kjo është shumë e rëndësishme, veçanërisht tani, kur bota po i kushton vëmendje jo vetëm situatës në fushën e betejës në Ukrainë”, tha Zelensky, duke aluduar për Lindjen e Mesme. "Ne jemi mirënjohës për mbështetjen e palëkundur të Ukrainës nga Mbretëria e Bashkuar dhe pritjen e ngrohtë të qytetarëve ukrainas në Britani." - tha ai.

Zelensky postoi një video të shkurtër të takimit në mediat sociale, gjatë së cilës Cameron dëgjohet duke thënë "Doja që kjo të ishte vizita ime e parë".

Cameron është rikthyer në kabinetin qeveritar pasi ka zëvendësuar James Cleverly, i cili u zhvendos në postin e sekretarit të Brendshëm për të marrë detyrën nga Suella Braverman pas një rishikimi dramatik të kabinetit të Rishi Sunak të hënën./CNA

 





Lajmet e fundit nga