web counter
LEXO PA REKLAMA!

SHKARKO APP

App Store
Google Play

Shkatërrohet "celula" kriminale që trafikonte emigrantë drejt Evropës Veriore, si funksiononte rrjeti

16 Nëntor 2023, 09:16, Kosova & Bota CNA
Shkatërrohet "celula" kriminale që trafikonte emigrantë
Europol

11 persona janë arrestuar dhe 16 të tjerë janë shpallur në kërkim nën akuzën për trafik të paligjshëm të emigrantëve. Të arrestuarit dyshohet se kontrabandonin emigrantë në rrugë ajrore nga Athina në Evropën Veriore.

Nga operacioni i 13 nëntorit janë arrestuar 11 persona, nga të cilët, 8 në Belgjikë, 2 në Greqi dhe 1 në Suedi, ndërsa janë shpallur në kërkim 16 të tjerë në Belgjikë e Greqi.

Trafikantët janë vënë në pranga pas një hetimi të autoriteteve belge dhe atyre greke, të cilat nën mbështetjen e Europol dhe Eurojust kanë çuar në çmontimin e këtij rrjeti kriminal.

Sipas Europol, emigrantët paguanin 5-6 mijë euro për kalimin e paligjshëm të kufirit, ndërsa rrjeti kriminal, i përbërë kryesisht nga egjiptianë dhe sirianë, ka funksionuar që nga janari i vitit 2022, duke lehtësuar lëvizjet e emigrantëve nga Greqia drejt Evropës Veriore, kryesisht përmes Norvegjisë e Belgjikës.

Nga hetimet ka rezultuar se të dyshuarit lehtësonin transportin e emigrantëve nëpërmjet agjencive legjitime të udhëtimit, ndërkohë që kishin lidhje me falsifikatorë për t'i furnizuar emigrantët me dokumente të rreme identifikimi të udhëtimit.

Po ashtu janë bllokuar dy agjenci udhëtimi të kontrolluara në Athinë si dhe janë sekuestruar telefona, pajisje të tjera elektronike dhe prova digjitale, dy kuti me pasaporta të falsifikuara dhe gati 200 000 euro cash.

Autoritetet kanë zbuluar se gjatë lëvizjes, një anëtar i rrjetit kriminal shoqëronte grupin e emigrantëve deri në Bruksel dhe më pas kthehej në Athinë. Emigrantët paguanin të paktën 5 000 - 6 000 euro për person nëpërmjet sistemit bankar Hawala./CNA

 





Lajmet e fundit nga