web counter
LEXO PA REKLAMA!

SHKARKO APP

App Store
Google Play

Shkarkohet Suella Braverman, quajti terroristë protestuesit pro Palestinës

13 Nëntor 2023, 10:02, Kosova & Bota CNA

Shkarkohet Suella Braverman, quajti terroristë protestuesit pro

Suella Braverman, Sekretarja e Brendshme e Mbretërisë së Bashkuar, është shkarkuar nga detyra pasi i quajti terroristë qytetarët që morën pjesë në protestën pro Palestinës në Londër.

Braverman, e cila njihet për deklaratat e saj të forta edhe ndaj shqiptarëve, u shkarkua me një vendim të marrë nga kryeministri Rishi Sunak. Ky i fundit mori këtë vendim nën presionin e mediave dhe të opinionit publik, ndërsa në vendin e saj Sunak emëroi James Claverly. 

Në një artikull të paautorizuar për “Times” të enjten, Braverman pohoi se oficerët e lartë të policisë kanë mbajtur anë kur bëhet fjalë për protestuesit, pasi ata ishin më të ashpër ndaj ekstremistëve të djathtë sesa "turmave" pro-palestineze.

Ajo u akuzua nga policia dhe laburistët për nxitje në ndezjen e tensioneve ndaj grupeve të djathta ekstreme që të luftojnë policinë.

Pesë partitë opozitare kërkuan publikisht shkarkimin e saj nga detyra të enjten pas artikullit të “Times”.

“Unë nuk besoj se këto marshime janë thjesht një thirrje për ndihmë për Gazën. Ato janë një pohim i përparësisë nga grupe të caktuara – veçanërisht islamikët – të llojit që jemi mësuar të shohim më shumë në Irlandën e Veriut. Gjithashtu, në mënyrë shqetësuese të kujtojnë Ulsterin janë raportet se disa nga organizatorët e grupeve të marshimit të së shtunës kanë lidhje me grupet terroriste, përfshirë Hamasin.” shkruante Braverman.

Kjo është hera e dytë që Braverman detyrohet të largohet nga e njëjta punë në pak më shumë se një vit. Liz Truss e urdhëroi atë të jepte dorëheqjen në tetor të vitit të kaluar pas disa javësh në detyrë, për dërgimin e informacionit konfidencial te një deputet nga një adresë "email"-i private./CNA

 

 





Lajmet e fundit nga