web counter
LEXO PA REKLAMA!

SHKARKO APP

App Store
Google Play

E fundit!

x

Albin Kurti: BE të ushtrojë presion ndaj Serbisë për njohjen e Kosovës

13 Nëntor 2023, 15:03, Kosova & Bota CNA
Albin Kurti: BE të ushtrojë presion ndaj Serbisë për njohjen
Albin Kurti

Albin Kurti ka kërkuar që të ushtrohet më shumë presion ndaj Beogradit për firmosjen e marrëveshjes mes Kosovës e Serbisë. Nga forumi Ekonomik në Vjenë, ku ishte pjesë e panelit, Kurti tha se edhe BE duhet të ushtrojë më shumë presion ndaj Serbisë.

“Duhet presion ndaj Beogradit dhe duhet më shumë presion nga BE për të firmosur marrëveshjen me Serbinë. Firma mes njohjes de fakto do të ishte hapi më I rëndësishëm që do të ndërmerrej ndonjëherë.”- tha Kurti.

Ai iu referua edhe dy herëve kur Kosova e Serbia kanë qenë në prag të firmosjes së marrëveshjes për njohjen e Kosovës por ka qenë pala serbe ajo që është tërhequr duke mos njohur kështu DE FACTO marrëveshjen, çka solli edhe sulmin e Banjskës.

“Sot nuk jemi në atë marrëdhënie të mirë pavarësisht se në nisje të këtij viti, 21 shkurt, ne arritëm një marrëveshje për t’u njohur de fakto,njësoj si modeli i Gjermanisë. Edhe në mars ndodhi e njëjta gjë, por Serbia refuzoi ta firmosë këtë marrëveshje. Ne kemi pasur sulme ndaj forcave kufitare në disa nga bashkitë dhe më pas erdhi goditja e Banjskës ku humbi jetën një efektiv yni. Kjo erdhi si pasojë e një marrëveshje që ne e arritëm gojarisht, por jo edhe ligjërisht.”- u shpreh Kurti.

 Ai nuk la pa përmendur edhe nevojën për zgjidhjen e krizës energjetike që po kalon Kosova./CNA

 





Lajmet e fundit nga