web counter
LEXO PA REKLAMA!

SHKARKO APP

App Store
Google Play

Ditmir Bushati, kritikon Ramën për Kosovën/ Nuk kursen as Albin Kurtin

31 Tetor 2023, 21:29, Politikë CNA
Ditmir Bushati, kritikon Ramën për Kosovën/ Nuk kursen as Albin
Ish-ministri i Jashtëm, Ditmir Bushati

Ish-ministri i Jashtëm, Ditmir Bushati, ka kritikuar kryeministrin e Shqipërisë Edi Rama mbrëmjen e kësaj të marte.

Në një intervistë për mediat e Kosovës, Bushati tha se Shqipëria duhet ta shohë Serbinë përmes syve të Kosovës, ndërsa theksoi se kjo gjë nuk ka ndodhur, duke lënë hapësirë për përmirësim.

Ai nuk i kurseu kritikat as për kryeministrin e Kosovës, Albin, Kurtin, për të cilin deklaroi se nuk e shikon Shqipërinë si derën e parë ku troket për të marrë një opinion apo ide.

“Ne duhet ta shohim Serbinë përmes syve të Kosovës. Fakti që them, do të thotë se ka vend për përmirësim në këtë pikë. Sikundër që Kosova duhet ta shohë Tiranën, Shqipërinë, si derën e parë ku troket për të marrë një opinion apo për të marrë një ide. As e para e as e dyta nuk ka ndodhur. Fakti që nuk ka ndodhur as e para, as e dyta do të thotë që ka nevojë për kapilarizim shumë më të madh të këtij raporti, ka nevojë për shtensionim të raporteve ndërqeveritare”, theksoi Bushati./ CNA





Lajmet e fundit nga