web counter
LEXO PA REKLAMA!

SHKARKO APP

App Store
Google Play

E fundit!

x

Tullumbacet me azot, Balla: Do ta ndalojmë me ligj përdorimin si lëndë psikotrope

31 Tetor 2023, 12:35, Politikë CNA
Tullumbacet me azot, Balla: Do ta ndalojmë me ligj përdorimin si
Taulant Balla

Ministri i Brendshëm, Taulant Balla, gjatë prezantimit në Komisionin e Shëndetësisë për ndryshimet në projektligjin “Për barnat dhe lëndët psikotrope”, ku kërkohet që në këtë listë të futet edhe oksidi i azotit, tha se deri tani janë dërguar dy shkresa për këtë çështje.

Ai nënvizoi se nuk po kërkohet që kjo lëndë të ndalohet të futet në Shqipëri, por të ndalohet me ligji përdorimi i tyre si lëndë psikotrope.

Me këto ndryshime ligjore pritet ndalimi me ligj i oksidit të azotit si lëndë psikotrope, një fenomen shqetësues që është përhapur së fundmi sidomos te të rinjtë.  


“Të ulim sa të mundemi numrin e personave që bien në grackën e përdorimit të lëndëve narkotike dhe psikotrope si një lëndë e dëmshme për shëndetin e atyre që e përdorin dhe shëndetin e shoqërisë sonë. Policia e Shtetit prej momentit të parë kur Kuvendi më ka ngarkuar detyrën si ministër më ka përcjellë shqetësimin e përdorimit nga të rinjtë të disa lëndëve psikotrope që nuk përfshiheshin në listën që kemi në dispozicion, ku ndër to vlerësohet si i dëmshëm oksidi i azotit. Konfirmohet nga ekspertë si një lëndë që sjell probleme shqetësuese për shëndetin, përfshirë edhe ato të natyrës neurologjike. Policia ka bërë sekuestrimin e bombolave të dyshuara të mbushura me këtë gaz për të shmangur përdorimin e paautorizuar të kësaj lënde për qëllim përfitimi. Kemi përcjellë dy shkresa, propozime për ndryshimet në projektligjin për barnat narkotike dhe lëndët psikotrope. Është ky shqetësim që kemi, përfshirja e azotit dhe disa substanca të tjera, sugjerojmë të përfshihen në listën e lëndëve të ndaluara. Krijohet mundësia e abuzimit, dhe rritja e rasteve problematike, përfshirë biznese të aksesueshëm nga të rinjtë. Nuk dua që të ndalohet futja e tyre në Shqipëri, por përdorimi i tyre si lëndë psikotrope të ndalohet me ligj”, tha Balla./CNA





Lajmet e fundit nga