web counter
LEXO PA REKLAMA!

SHKARKO APP

App Store
Google Play

Këlliçi, akuza Nikollës/ “Nuk është më kryetare e Kuvendit, por zëdhënëse e qeverisë”

30 Tetor 2023, 21:43, Politikë CNA
Këlliçi, akuza Nikollës/ “Nuk është më
Ish-deputeti Belind Këlliçi

Ish-deputeti Belind Këlliçi komentoi zhvillimet e ditës së sotme në Kuvend, ku pati momente tensioni që degjeneruan deri në dhunë.

Këlliçi tha në emisionin e Eni Vasilit se këto tensione vijnë si pasojë e sjelljes së mazhorancës, ndërsa hodhi akuza ndaj kryeparlamentares Lindita Nikolla.

Ai deklaroi se Nikolla po sillet si zëdhënëse e qeverisë, duke caktuar kreun e grupit të PD-së, apo duke marrë edhe atributet e opozitës.

“Kjo është pasojë që e ka një shkak si pasojë e dhunë trejavore ndaj deputetëve të opozitës. Në një rast të paprecedentë është mohuar ngritja e tre komisioneve hetimore të kërkuar në tre javët e fundit por në total të 8 kërkesave për komisioneve. Për herë të parë, Kuvendi merr atributet e opozitës.

Kryetarja e Kuvendit cakton kush është kreu i grupit të Partisë Demokratike dhe cakton ajo kush është anëtar i Komisionit të Reformës Zgjedhore. Askush nuk e dëshiron këtë pamjeve, por në momentin kur sheh dhunë permanente ndaj opozitës do të shihni pamje të tilla.

Lindita Nikolla nuk është më kryetare e Kuvendit, por zëdhënëse e qeverisë. Destruktive është t’i mohosh të drejtën opozitës për komision hetimor. Nëse e lejon seancën, i bie që je opozitë fasadë. Opozita ka fjalën aty dhe në momentin që i mohohet e drejta sigurisht do të ketë reagime të tilla. Lindita Nikolla ka qenë si funksionare e Partisë Socialiste dhe jo si kryetare e Parlamentit të Shqipërisë. Kjo opozitës është votuar për të qenë aty. Në 90% të seancave plenare nuk e sheh kryeministrin të vijë”, theksoi Këlliçi./ CNA





Lajmet e fundit nga