LEXO PA REKLAMA!

SHKARKO APP

Kurti raporton për takimin në Ohër/ “Do të njihen targat, vulat e simbolet shtetërore nga të dyja palët”

23 Mars 2023, 11:47, Kosova & Bota CNA
Kurti raporton për takimin në Ohër/ “Do të njihen
Foto ilustruese

Kryeministri i Republikës së Kosovës, Albin Kurti, po flet sot në Kuvendin e Kosovës për takimin në Ohër, për dialogun Kosovë-Serbi.

Kurti ka bërë me dije se që nga 9 shtatori kanë hyrë në një proces të ri dialogu, me prezantimin e planit franko-gjerman.

“Sinqerisht aleatët tanë duan ta sjellin Serbinë drejt Europës. A do ta arrijnë një gjë të tillë, unë nuk kam shpresë… marrëveshja bazë për normalizimin e marrëdhënieve mes Kosovës dhe Serbisë përmban 11 pika”, deklaroi Kurti.

Kurti ka theksuar se Serbia nuk duhet të kundërshtojë anëtarësimin e Kosovës në asnjë organizatë ndërkombëtare apo të bllokojë anëtarësimin në BE pasi kjo është një njohje e pakthyeshme pasi BE dhe SHBA janë palë garantuese.

Për më tepër, Serbia nuk duhet të kundërshtojë anëtarësimin tonë në asnjë organizatë ndërkombëtare apo të bllokojë anëtarësimin tonë në Bashkimin Europian… Kjo është njohje de-facto dhe është e pakthyeshme pasi Bashkimi Europian dhe Shtetet e Bashkuara janë palë garantuese.

Ndër të tjera, Kryeministri i Kosovës tha se sipas pikave të marrëveshjes, detyrime të cilat tashmë janë në fuqi, do të njihen targat, vulat e simbolet shtetërore nga të dyja palët, teksa do të hapen edhe shërbimet konsullore (ambasadat).

Jam i bindur që tekst më të mirë të marrëveshjes, në situatën në të cilën jemi, nuk ka mundur më parë të mbërrijmë.

Ai shtoi se është bërë maksimumi për të ecur përpara, teksa edhe deklarimet e ndërmjetësuesve lidhur me pozitën e Kosovës në këto takime kanë qenë pozitive.

“Me dokumentet e mëhershme kemi ngecur. Me këtë dokument mund të ecim përpara.”/ CNA.al

Lajmet e fundit nga