web counter
LEXO PA REKLAMA!

SHKARKO APP

App Store
Google Play

E fundit!

x

Kenia njeh pavarësinë e Kosovës/ Kurti: Uroj që bashkëpunimi të jetë i gjatë dhe produktiv

26 Mars 2025, 18:58, Kosova & Bota CNA

Kenia njeh pavarësinë e Kosovës/ Kurti: Uroj që

Kryeministri i Kosovës, Albin Kurti me anë të një postimi në rrjetet sociale ka reaguar për njohjen e pavarësisë së Kosovës nga Kenia. Kurti shpreh mirënjohjen për presidentin kenian, William Samoei Ruto dhe falënderon presidenten Osmani dhe ish-presidentin Behgjet Pacolli.

Kryeminsitri Kurti uron që bashkëpunimi mes Kosovës dhe Kenias të jetë i frytshëm dhe i gjatë.

“Njohja e Republikës së Kosovës nga shteti i Kenias na gëzon të gjithëve dhe është lajm shumë i mirë për Republikën.

Falënderoj presidenten e vendit Vjosa Osmani dhe ish-presidentin Behgjet Pacolli për rolin e tyre, krahas edhe të gjithë atyre që kontribuan në këtë arritje.  Mirënjohje për presidentin e Kenias William Samoei Ruto, i cili mori vendimin dhe hapin historik drejt afrimit të Kenias me Republikën e Kosovës dhe hapjes së rrugës për ndërtimin e marrëdhënieve diplomatike mes dy shteteve tona. Me vullnet e gatishmëri për bashkëpunim e partneritet të ngushtë në këtë kapitull të parë të marrëdhënieve me Kenian, që urojmë të jetë jetëgjatë, i frytshëm dhe produktiv”, shkruan Kurti./ CNA





Lajmet e fundit nga