web counter
LEXO PA REKLAMA!

SHKARKO APP

App Store
Google Play

Procesi gjyqësor në Hagë/ Dëshmon ish-eprori i UÇK-së: Kam shkuar në Kosovë të luftoj

26 Mars 2025, 10:34, Kosova & Bota CNA

Procesi gjyqësor në Hagë/ Dëshmon ish-eprori i

Vijon procesi gjyqësor në Hagë ku po jep dëshminë e tij ish-eprori i UÇK-së, Naim Maloku.

I pyetur në lidhje me njohjen me Hashim Thaçin, ai është shprehur se ka kryer vetëm punën e tij, që konstatonte në inspektimin, këshillimin dhe trajnimin e ushtarëve të UÇK-së.

Ai shton se nuk ka pasur asnjë pikëtakim të aktiviteteve të tij dhe të ish-Presidentit Hashim Thaçi. 

“Unë punën time e kam kryer, inspektimin, këshillimin e ushtarëve, trajnimin. Në UÇK kanë ardhur vullnetarë dhe kanë ikur të tjerë.  Kjo ka qenë puna ime.

Në Dukagjin kam shkuar në fund të janarit të '99. Nuk kam pasur pikëtakimi te aktivitetet e tij dhe të miat.

Për herë të parë kam parë që dikush ka raportuar apo ka dhënë vlerësime për angazhimet e mia në terren dikujt tjetër. Nuk e di. Për herë të parë e kam parë këtë dokument këtu.

Unë nuk e kam sjellë major Dibrën. Kam shpjeguar si jam takuar me të. Kam pasur nderin të jem me të. Unë kam shkuar të luftoj në Kosovë, se kush ka bërë raporte për mua nuk më hyn në punë as sot”, ka dëshmuar Maloku./ CNA





Lajmet e fundit nga