web counter
LEXO PA REKLAMA!

SHKARKO APP

App Store
Google Play

Pas marrëveshjes me Shqipërinë/ Vuçiç shkarkon ambasadoren serbe në Zagreb

25 Mars 2025, 17:21, Kosova & Bota CNA

Pas marrëveshjes me Shqipërinë/ Vuçiç shkarkon

Presidenti i Serbisë, Aleksandar Vuçiç ka shkarkuar sot ambasadoren e Serbisë në Zagreb, Jelena Miliç. Vendimi u publikua këtë të martë në Fletoren Zyrtare të Serbisë.

Në dokumentin zyrtar konfirmohet se Miliç është liruar nga detyra, ndërsa vendimi ka hyrë në fuqi menjëherë. Ende nuk janë dhnënë arsye specifike në lidhje me shkarkimin e saj.

Zhvillimi vjen në një moment përshkallëzimi të tensioneve mes Serbisë dhe Kroacisë, pas marrëveshjes së bashkëpunimit në fushën e mbrojtjes të nënshkruar më 18 mars në Tiranë midis Shqipërisë, Kosovës dhe Kroacisë.

Presidenti Vuçiç e kritikoi ashpër marrëveshjen, duke e cilësuar atë si një garë të re armatimi në rajon.

“Ne e morëm mesazhin. Do të bëjmë gjithçka për të mbrojtur vendin tonë,”- deklaroi Vuçiç.

Nga ana tjetër, Kroacia u përgjigj duke theksuar se ka të drejtë të bashkëpunojë në sektorin e mbrojtjes me çdo vend që dëshiron.

Kujtojmë se marrëveshja trepalëshe midis Shqipërisë, Kosovës dhe Kroacisë e bashkëpunimit në fushën e mbrojtjes u nënshkrua më 18 mars në Tiranë.

Marrëveshja e mbrojtjes u nënshkrua nga ministri i Mbrojtjes së Shqipërisë, Pirro Vengu, ai i Kosovës, Ejup Maqedonci, dhe ministri kroat, Ivan Anushiç./CNA 

 

 

 

 

 

 

 

 

 

 

 





Lajmet e fundit nga