web counter
LEXO PA REKLAMA!

SHKARKO APP

App Store
Google Play

26 vite nga sulmet historike të NATO-s në Kosovë

24 Mars 2025, 12:02, Kosova & Bota CNA

26 vite nga sulmet historike të NATO-s në Kosovë

Sot bëhen 26 vite nga fillimi i sulmeve ajrore të NATO-s kundër caqeve ushtarake-policore të Serbisë dhe Malit të Zi.

Sulmet filluan në orën 19:45 kur aeroplanët e NATO-s lëshuan bombat e para kundër pozicioneve strategjike të ushtrisë së ish-Jugosllavisë, siç quheshin dy republikat e ish-federatës jugosllave, Serbia dhe Mali i Zi.

Urdhrin për fillimin e fushatës bombarduese e dha presidenti i Shteteve të Bashkuara të Amerikës, Bill Clinton. Atë natë Clinton mbajti para popullit amerikan fjalimin historik, duke lajmëruar se kishte urdhëruar Aleancën Atlantike të fillonte operacionin ushtarak, si mundësi e vetme e përfundimit të luftimeve në Kosovë.

“Ne dhe Aleanca e NATO-s kemi bërë të gjitha përpjekjet, me qëllim që të arrinim një zgjidhje paqësore të konfliktit në Kosovë. Por presidenti Millosheviç, i cili në të kaluarën e afërt shkaktoi luftëra të tmerrshme në Kroaci e në Bosnjë, ka vendosur në favor të agresionit në vend të paqes”, tha Clinton.

Bombardimet zgjatën deri më 9 qershor, kur u arrit dhe Marrëveshja e Kumanovës, që njiohet ndryshe dhe si kapituillimi i Millosheviçit. Kjo ishte ndërhyrja e parë ushtarake e NATO-s që nga formimi i saj, e cila njihet edhe si ndërhyrja historike./ CNA





Lajmet e fundit nga