web counter
LEXO PA REKLAMA!

SHKARKO APP

App Store
Google Play

Sulm me armë në SHBA/ 3 adoleshentë humbin jetën dhe 15 të plagosur pas një konflikti mes grupeve

22 Mars 2025, 22:48, Kosova & Bota CNA

Sulm me armë në SHBA/ 3 adoleshentë humbin jetën dhe 15

Një ngjarje tragjike në Young Park, Las Cruces, New Mexico, ku tre persona humbën jetën dhe 15 të tjerë mbetën të plagosur pas një sulmi me armë gjatë një shfaqje makinash. Sipas shefit të policisë, Jeremy Story, ngjarja ndodhi rreth orës 22:00 me orën lokale dhe ka shpërthyer pas një konflikti mes dy grupeve, i cili ka përshkallëzuar situatën në të shtëna me armë.

Viktimat e sulmit janë dy të rinj 19-vjeçarë dhe një 16-vjeçar. Ndërkohë, të plagosurit janë të moshave të ndryshme, duke filluar nga 16 vjeç dhe deri në 36 vjeç. Shtatë prej tyre janë transportuar me urgjencë në El Paso për trajtim të mëtejshëm, ndërsa katër të tjerë janë trajtuar dhe janë lënë në spital. Gjendja e katër të plagosurve të tjerë mbetet ende e pasigurt.

Policia greke ka nisur hetimet për zbardhjen e ngjarjes, por ende nuk ka bërë ndalime. Autoritetet kanë thënë se po ndjekin disa pista hetimore dhe kanë kërkuar ndihmën e komunitetit për të identifikuar autorët e mundshëm.

Kryebashkiaku i Las Cruces, Eric Enriquez, e ka cilësuar këtë ngjarje si një ditë të trishtë për qytetin dhe ka bërë thirrje për unitet në përballimin e kësaj tragjedie. Po ashtu, guvernatorja e New Mexico, Michelle Lujan Grisham, shprehu shqetësimin e saj të thellë për këtë sulm, duke theksuar rritjen e krimeve të dhunshme në këtë qytet, që kanë shënuar një rritje prej 46% krahasuar me vitin e kaluar.

Las Cruces, që ndodhet në skajin e shkretëtirës Chihuahuan, rreth 41 milje nga kufiri me Meksikën, po përballet me një valë të dhunës që ka tronditur komunitetin vendas./CNA

 

 





Lajmet e fundit nga