web counter
LEXO PA REKLAMA!

SHKARKO APP

App Store
Google Play

Ish-ambasadorja merr post të ri/ DASH rikthen emrin e Yuri Kim në faqen zyrtare

20 Mars 2025, 22:31, Kosova & Bota CNA

Ish-ambasadorja merr post të ri/ DASH rikthen emrin e Yuri Kim në

Departamenti Amerikan i Shtetit ka rikthyer emrin dhe jetëshkrimin e Yuri Kim në listën e punonjësve të administratës amerikane.

Në postimin e bërë nga faqja zyrtare e Departamentit të Shtetit, shihet se Yuri Kim ka marrë një detyrë të re.

Kim është emëruar Këshilltare e Lartë për Eficencë dhe Përgjegjësi në Byronë e Çështjeve Evropiane dhe Euroaziatike

Pak ditë më parë DASH hoqi emrin e Yuri Kim nga lista e punonjësve si dhe jetëshkrimin e saj nga ëebsite i departamentit.

 

“Yuri Kim është Këshilltare e Lartë për Efiçencë dhe Përgjegjësi në Byronë e Çështjeve Evropiane dhe Euroaziatike. Më parë, ambasadorja Kim ishte Zëvendës Ndihmës Sekretare Kryesore e Byrosë, nga viti 2023 deri në vitin 2025.

Një diplomate karriere, ambasadorja Kim ka punuar në sfidat kryesore të politikës së jashtme dhe sigurisë kombëtare në Europë, Azi dhe Lindjen e Mesme. Ajo ishte ambasadore e SHBA në Republikën e Shqipërisë nga viti 2020 deri në vitin 2023, e emëruar nga Presidenti Trump dhe në vazhdim nën Presidentin Biden. Para kësaj, ajo ishte drejtore e Çështjeve të Europës Jugore, përgjegjëse për Turqinë, Greqinë, Qipron dhe rajonin e Mesdheut Lindor; drejtore e Qendrës për Studimin e Sjelljes së Diplomacisë; dhe drejtore e Zyrës së Sigurisë Evropiane dhe Çështjeve Politiko-Ushtarake, përgjegjëse për NATO-n dhe Organizatën për Siguri dhe Bashkëpunim në Evropë (OSBE).

Ajo ishte Shefe e Shtabit të Zëvendës Sekretarit të Shtetit dhe, më herët në karrierën e saj, Asistente Speciale e Sekretarit Colin Poëell. Ajo ishte gjithashtu një anëtare e delegacionit të SHBA në Bisedimet Gjashtëpalëshe për çështjen bërthamore të DPRK-së. Detyrat jashtë shtetit përfshijnë Turqinë, Irakun, Republikën e Koresë, Japoninë dhe Kinën. Yuri Kim ka një B.A. nga Universiteti i Pensilvanisë dhe një M.Phil. nga Universiteti i Kembrixhit. Ajo u rrit në ishullin Guam”, thuhet në njoftimin e DASH./ CNA





Lajmet e fundit nga