web counter
LEXO PA REKLAMA!

SHKARKO APP

App Store
Google Play

Bisedimet për paqe nuk i ndalin sulmet ruse

23 Mars 2025, 20:36, Kosova & Bota CNA

Bisedimet për paqe nuk i ndalin sulmet ruse

Një sulm me dronë rusë në Kiev ka lënë pas tre viktima ditën e sotme, duke përfshirë një fëmijë, dhe ka shkaktuar zjarre në ndërtesa të larta.

Ndërsa po afron momenti i bisedimeve të ardhshme të paqes për luftën në Ukrainë, i dërguari i SHBA-së Steve Witkoff është shprehur shpresëplotë se takimet me Ukrainën dhe Rusinë do të sjellin "progres të vërtetë".
Këtë mbrëmje, delegacioni ukrainas do të flasë me zyrtarë amerikanë në Arabinë Saudite, ndërsa të hënën do të zhvillohet një raund tjetër bisedimesh, këtë herë ndërmjet delegacionit rus dhe zyrtarëve amerikanë. Arabia Saudite ka qenë vendi i zgjedhur i SHBA-ve për bisedimet mbi luftën në Ukrainë.
Dhe ndërsa bisedimet vazhdojnë, po ashtu edhe sulmet. Presidenti ukrainas Volodymyr Zelensky ka deklaruar se nevojitet presion i ri ndaj Moskës pas sulmeve të ndodhura gjatë natës, të cilat i cilësoi si një realitet i përditshëm.

Nga ana tjetër, sipas ministrisë së Mbrojtjes në Rusi, sulmet ukrainase vranë një person dhe janë rrëzuar gjatë natës pothuajse 60 dronë luftarakë.

Ushtria ukrainase ka deklaruar ditën e sotme se ka rimarrë fshatin në Luhansk, një rajon ky në lindje të vendit, që vijon të mbetet nën kontrollin ushtarak rus. Shumë herët gjatë konfliktit, Rusia zotëroi të gjithë rajonin e Luhanskut, një synim strategjik i pushtimit të Ukrainës nga presidenti Putin./ CNA





Lajmet e fundit nga