web counter
LEXO PA REKLAMA!

SHKARKO APP

App Store
Google Play

Burgosja e Imamoglu-t/ Protesta të ashpra në Turqi

24 Mars 2025, 08:02, Kosova & Bota CNA

Burgosja e Imamoglu-t/ Protesta të ashpra në Turqi

Mijëra protestues kanë marrë pjesë në demonstratat e organizuara në gjithë Turqinë pasi Ekrem Imamoglu u arrestua zyrtarisht me akuzën për korrupsion.

Kryebashkiaku i Stambollit, Imamoglu, pritej që të zgjidhej të dielën si kandidat i Partisë Popullore Republikane (CHP) për zgjedhjet presidenciale të vitit 2028.

Imamoglu tha se akuzat kundër tij janë të motivuara politikisht. “Nuk do të përkulem kurrë”, shkroi ai në "X" para se të lihej në paraburgim.

Pas arrestimit të tij, mbrëmjen e së dielës u shënua rritje e trazirave, ku protestuesit u qëlluan me plumba gome dhe gaz lotsjellës.

Presidenti turk, Erdogan, dënoi trazirat dhe akuzoi CHP-në se po përpiqet të “turbullojë” paqen.

Turmat u mblodhën përpara Bashkisë së Stambollit për të pestën ditë radhazi duke valëvitur flamurët e Turqisë dhe duke brohoritur.

Gruaja e Imamoglu-t, Dilek Kaya Imamoglu, iu drejtua turmave të mëdha jashtë bashkisë, duke u thënë demonstruesve se "padrejtësia" me të cilën është përballur i shoqi "ka goditur akord me çdo ndërgjegje".

Kryebashkiaku Imamoglu ishte në mesin e më shumë se 100 personave, përfshirë politikanë, gazetarë dhe biznesmenë të vënë në pranga të mërkurën. Ai u arrestua zyrtarisht të dielën dhe u akuzua për "krijim dhe drejtim të një organizate kriminale, marrje ryshfeti, zhvatje, regjistrim të paligjshëm të të dhënave personale dhe manipulim tenderi".

AFP dhe media lokale raportuan se ai ishte dërguar në një burg në Silivri.

Imamoglu është pezulluar gjithashtu nga posti i tij si kryetar bashkie, tha në një deklaratë Ministria e Brendshme e Turqisë./ CNA

 

 





Lajmet e fundit nga