web counter
LEXO PA REKLAMA!

SHKARKO APP

App Store
Google Play

“Çmendet” Vuçiç/ Presidenti serb krahason veten me Donald Trump

24 Mars 2025, 16:25, Kosova & Bota CNA

“Çmendet” Vuçiç/ Presidenti serb krahason veten

Presidenti serb Aleksandar Vuçiç e krahasoi veten me presidentin e SHBA-së, Donald Trump.

Veç të tjerash, në një intervistë me Washington Examiner, Vuçiç akuzoi median prestigjoze CNN për gënjeshtra për protestat masive kundër regjimit të tij.

"CNN flet kundër meje ashtu siç foli kundër presidentit amerikan Donald Trump. Të dashur miq të Shteteve të Bashkuara të Amerikës, do të kuptoni gjithçka. E vërteta është në anën e kundërt të asaj që thotë CNN",- tha Vuçiç.

Vuçiç nuk ngurroi të akuzonte protestuesit se kanë shkaktuar dëme gjatë protestave.

“Do të shihni se ata po bëjnë dhe thonë gjithçka kundër meje, siç thanë kundër presidentit amerikan Trump, dhe atëherë gjithçka do të bëhet e qartë për ju”,- tha Vuçiç.

Kjo në përgjigje të një pyetjeje se çfarë do të dëshironte që shikuesit amerikanë të dinin për Serbinë, teksa informohen vetë në rrjetet sociale. I pyetur se çfarë mendonte se protestuesit donin në këtë pikë, Vuçiç u përgjigj se protestuesit kanë shkatërruar 186 traktorë.

Vuçiç u shfajësua duke thënë se nuk donin të arrestonin asnjë protestues, por u detyruan sepse po shkaktonin dhunë.

"E vetmja përleshje e madhe që ata patën ishte mes tyre. Askush nuk iu përgjigj, nuk donim të arrestonim askënd. Në fund na u desh të arrestonim 44 persona. 13 persona u arrestuan sepse ishin të dehur ose duke shkaktuar dhunë",- shtoi Vuçiç./CNA





Lajmet e fundit nga