E fundit!

19:06 Aktualitet

Mbahet protesta e 27-të kundër qeverisë, qytetarët drejt Kryeministrisë

Këtë të premte po mbahet në Tiranë protesta qytetare e 27-...

Sulmi kibernetik ndërpret punën në aeroportet europiane, përfshirë Brukselin dhe Londrën

20 Shtator 2025, 14:17, Kosova & Bota CNA

Sulmi kibernetik ndërpret punën në aeroportet europiane,

Një sulm kibernetik ndaj një ofruesi shërbimesh për sistemet e regjistrimit dhe hipjes në bord ka ndërprerë operacionet në disa aeroporte kryesore europiane, përfshirë këtu Heathrow të Londrës, aeroportet e Brukselit dhe të Berlinit, duke shkaktuar vonesa dhe anulime fluturimesh mbrëmë dhe sot në mëngjes.

Collins Aerospace, e cila ofron sisteme regjistrimi dhe hipjeje në bord për disa linja ajrore në aeroporte të shumta në nivel global, po përjeton një problem teknik që mund të shkaktojë vonesa për pasagjerët që nisen, u tha sot në një deklaratë nga Aeroporti Heathrow i Londrës, pasi kishte paralajmëruar për vonesa.

Kompania mëmë e Collins Aerospace nuk ishte menjëherë e disponueshme për komente, jashtë orarit të punës në SHBA.

“Sulmi i ka bërë sistemet e automatizuara të paoperueshme, duke lejuar vetëm procedurat manuale të regjistrimit dhe hipjes në bord,” shkruhej në faqen zyrtare në internet, nga Aeroporti i Brukselit.

"Kjo ka një ndikim të madh në orarin e fluturimeve dhe për fat të keq do të shkaktojë vonesa dhe anulime të fluturimeve... Ofruesi i shërbimit po punon në mënyrë aktive për këtë çështje dhe po përpiqet ta zgjidhë problemin sa më shpejt të jetë e mundur."

Udhëtarët me një fluturim të planifikuar për sot u këshilluan nga aeroportet e prekura që të konfirmojnë udhëtimin e tyre me linjat ajrore përpara se të nisen për në aeroport.

"Për shkak të një problemi teknik te një ofrues sistemi që operon në të gjithë Evropën, ka kohë më të gjata pritjeje në regjistrim. Po punojmë për një zgjidhje të shpejtë", shkruhej nga Aeroporti i Berlinit në një banderolë në faqen e tij në internet.

“Aeroporti i Frankfurtit, më i madhi i Gjermanisë, nuk u prek”, tha një zëdhënës. Një zyrtar nga qendra e kontrollit të operacioneve në Aeroportin e Zyrihut tha gjithashtu se as ky aeroport nuk ishte prekur./ CNA