web counter
LEXO PA REKLAMA!

SHKARKO APP

App Store
Google Play

E fundit!

x

Trump: Më 25 shtator pres Erdogan-in në Shtëpinë e Bardhë

20 Shtator 2025, 14:14, Kosova & Bota CNA

Trump: Më 25 shtator pres Erdogan-in në Shtëpinë e

Presidenti i SHBA-së, Donald Trump, bëri me dije se do të presë Presidentin e Turqisë, Tayyip Erdogan, në Shtëpinë e Bardhë më 25 shtator dhe se gjatë takimit ai pret që të nënshkruhen shumë marrëveshje.

"Po punojmë për shumë marrëveshje tregtare dhe ushtarake me Presidentin, duke përfshirë blerjen në shkallë të gjerë të avionëve Boeing, një marrëveshje të madhe për F-16 dhe një vazhdim të bisedimeve për F-35, të cilat presim të përfundojnë pozitivisht", shkroi ai në "Truth Social".

Hera e fundit e Erdogan në Shtëpinë e Bardhë qe në vitin 2019, gjatë mandatit të parë të Trump. Por dy presidentët kanë një të shkuar marrëdheniesh problematike.

Ndërsa ata kishin lidhje të ngushta personale gjatë mandatit të Trump si president në periudhën 2017-2021, kjo ishte gjithashtu një kohë marrëdhëniesh të tendosura dypalëshe për shkak të mosmarrëveshjeve mbi lidhjet e Uashingtonit me luftëtarët kurdë në Siri dhe mbi lidhjet e Ankarasë me Moskën.

Turqia e zemëroi administratën Trump në vitin 2019 duke blerë sistemin mbrojtës raketor S-400 rus. Uashingtoni u përgjigj duke anuluar një shitje të planifikuar të avionëve luftarakë F-35 për Turqinë dhe e përjashtoi këtë të fundit nga një program prodhimi i përbashkët për aeroplanët.

Më pas, Turqia ra dakord për një marrëveshje për të blerë avionë F-16.

“Me Presidentin Erdogan kemi pasur gjithmonë një marrëdhënie shumë të mirë dhe mezi pres ta takoj më datë 25!”, shkroi Trump të premten./ CNA

 





22:45 Kosova & Bota

E djathta e Europës

Qëndrimi i së djathtës ekstreme është moderuar, por nuk ka...

Lajmet e fundit nga