web counter
LEXO PA REKLAMA!

SHKARKO APP

App Store
Google Play

Takim në Kopenhagen/ Ministrat e Financave të BE-së diskutojnë për asetet e ngrira ruse

19 Shtator 2025, 14:12, Kosova & Bota CNA

Takim në Kopenhagen/ Ministrat e Financave të BE-së

Ministrat e çështjeve ekonomike dhe financiare të Bashkimit Europian po zhvillojnë një takim sot në Kopenhagen, ku po diskutojnë një propozim për të përdorur asetet e ngrira ruse për të ndihmuar në financimin e qeverisë ukrainase.

Më përpara takimit, ministri gjerman i Financave, Lars Klingbeil, deklaroi se qeveria gjermane po priste një propozim të Komisionit Europian.

"Gjithçka duhet të shqyrtohet me kujdes dhe tani po presim shumë konkretisht propozimet nga Komisioni Europian, por Gjermania do të marrë një rol në të cilin ne duam t'i bëjmë gjërat të mundura dhe jo një rol në të cilin ne i bllokojmë gjërat", ishin fjalët e Klingbeil, sipas "Reuters".

Ndërkohë, ministri i Ekonomisë i Spanjës, Carlos Cuerpo, kishte deklaruar se qeveria spanjolle mbështet përpjekjet e Komisionit për të monetizuar asetet e ngrira ruse në BE për të financuar Kievin dhe mbrojtjen e tij kundër Rusisë.

"Nga Spanja, ne kemi avokuar për rritjen sa më të madhe të financimit për Ukrainën", citohej Cuerpo në një intervistë me "Bloomberg TV".

Ai ishte shprehur edhe se Spanja, një nga importueset kryesore të gazit natyror të lëngshëm rus në BE, po punon për të zvogëluar këto importe dhe për të diversifikuar furnizimin e saj nga vende të tilla si SHBA-ja./ CNA





Lajmet e fundit nga