web counter
LEXO PA REKLAMA!

SHKARKO APP

App Store
Google Play

E fundit!

x

Papa Leo XIV: Europa Lindore e tensionuar, NATO nuk ka filluar asnjë luftë

17 Shtator 2025, 21:28, Kosova & Bota CNA

Papa Leo XIV: Europa Lindore e tensionuar, NATO nuk ka filluar asnjë

Papa Leo XIV tha sot se situata në Europën Lindore është shumë e tensionuar, pasi Rusia dërgoi një mori dronësh në Poloni.

Ngjarja e javës së kaluar është quajtur një shkelje e ‘paparë’ e hapësirës ajrore të NATO-s nga shtetet anëtare të aleancës.

"Ndërsa kontinenti ynë përballet përsëri me zgjerimin skandaloz të sjelljes së pamatur të Rusisë, mbrojtja e Ukrainës kundër agresionit të Putinit është thelbësore për sigurinë e të gjithë Evropës, përfshirë Mbretërinë e Bashkuar. Përgjigja e forcave të NATO-s tregon seriozitetin me të cilin NATO po i trajton veprimet e Rusisë. Dhe siç njoftoi Sekretari i Përgjithshëm të premten, së bashku me aleatët e NATO-s ne po forcojmë mbrojtjen tonë përgjatë krahut lindor, duke përdorur teknologji të reja si sensorë dhe armë kundër dronëve",-tha një përfaqësues i ministrisë së jashtme britanike.

Duke folur të martën në mbrëmje me gazetarët, Papa Leo u ndal edhe te NATO.

“NATO nuk ka filluar asnjë luftë. Polakët janë të shqetësuar sepse ndiejnë se hapësira e tyre ajrore është shkelur; është një situatë shumë e tensionuar”,- tha Papa.

Papa Leo ka treguar mbështetje të fortë për Ukrainën që nga zgjedhja e tij më 8 maj.

Ai është takuar dy herë me Presidentin ukrainas Volodymyr Zelensky dhe e ka quajtur sulmin rus ndaj Ukrainës "të pakuptimtë".

Shumë e shohin këtë si një ndryshim nga pikëpamjet e paraardhësit të tij, Papa Françeskut./CNA





Lajmet e fundit nga