web counter
LEXO PA REKLAMA!

SHKARKO APP

App Store
Google Play

"Nuk mbajnë përgjegjësi për akuzat"/ Goxhaj: Thaçi, Krasniqi dhe Veseli përfaqësues politikë të UÇK-së

16 Shtator 2025, 21:03, Kosova & Bota CNA

"Nuk mbajnë përgjegjësi për akuzat"/ Goxhaj:

Ish-luftëtari i Ushtrisë Çlirimitare të Kosovës, Dritan Goxhaj i ftuar në emisonin “Now” me Erla Mëhillin ka folur për procesin gjyqësor në Hagë.

Goxhaj është ndalur te marrëveshja e Rambujesë, për të cilën tha se që prej fillimit është kundërshtuar nga Kosova çështja e terminologjisë.

Duke u ndalur dhe te të arrestuarit e Hagës, Hashim Thaçi, Kadri Veseli dhe Jakup Krasniqi, Goxhaj tha se ata nuk kanë qenë udhëheqës të UÇK, por përfaqësues politikë.

Detyra e tyre, tha Goxhaj, ishte përfaqësimi politik i UÇK dhe kjo i bën ata jopërgjegjës ndaj akuzave për të cilat po hetohen.

“Ajo çfarë është diskutuar prej fillimit dhe që është kundërshutar është çështja e terminologjisë, që ishte paraqitur në një propozim përpara se grupet të shkonin në Rambuje. Kërkohej të hiqej pika: Sovraniteti i Jugosllavisë dhe asaj çka mbetej nga Jugosllavia. Deklarata e Kurtit ishte e drejtë, në marrëveshjen e Rambujesë thuhet që Kosova mbetet pjesë integrale e Jugosllavisë dhe asaj çka mbetet nga Jugosllavia. SHBA i kërkoi UÇK ta firmoste qorrazi marrëveshjen e Rambujesë. Ne firmosëm, Serbia jo.

Thaçi, Krasniqi, Veseli kanë qenë përfaqësues politikë të UÇK. Kanë pasur detyra të përfaqësimit politik. Akzuat që u bëhen për krime, këta persona nuk mbajnë përgjegjësi, nuk kanë përgjegjësi komanduese”, tha Goxhaj./CNA

 





Lajmet e fundit nga