web counter
LEXO PA REKLAMA!

SHKARKO APP

App Store
Google Play

Dita e dytë e dëshmisë në Hagë/ Rubin: Nuk më kujtohen të gjithë emrat e delegacionit në Rambuje

16 Shtator 2025, 12:25, Kosova & Bota CNA

Dita e dytë e dëshmisë në Hagë/ Rubin: Nuk më

Në ditën e dytë të dëshmisë së tij në Gjykatën Speciale, James Rubin iu përgjigj pyetjeve të Prokurorisë në lidhje me një dokument ku thuhej se Adem Demaçi përshkruante Hashim Thaçin si zëdhënës të UÇK-së.

Rubin tha se nuk kishte informacione për këto dallime të vogla brenda UÇK-së.

I pyetur nëse kishte takuar Jakup Krasniqin në kohën e luftës, Rubin tha se nuk mendoj që po, teksa shtoi se nuk i kujtohet nëse Jakup Krasniqi dhe Kadri Veseli ishin pjesë e delegacionit shqiptar në Rambuje.

“Nuk më kujtohen të gjithë emrat, sepse kjo ka ndodhur para 25 vjetësh”, tha Rubin.

Ai është thirrur nga mbrojtja e Hashim Thaçit dhe po merret në pyetje nga Prokuroria.

Dëshmia e Rubin-it pritet të përfundojë sot.

Për çfarë akuzohen Thaçi, Veseli, Krasniqi dhe Selimi?

Aktakuza u ngarkon atyre përgjegjësi për burgosje të paligjshme, torturë, vrasje, krime kundër njerëzimit, zhdukje me forcë dhe persekutim të qindra civilëve dhe personave që nuk morën pjesë në luftime.

Këto krime dyshohet se ndodhën midis marsit 1998 dhe shtatorit 1999 në vende të ndryshme të Kosovës, si dhe në veri të Shqipërisë.

Sipas aktakuzës, viktimat përfshinin persona të dyshuar se ishin kundër UÇK-së dhe më vonë qeverisë së përkohshme të Kosovës anëtarë të komuniteteve serbe, rome dhe ashkali, katolikë, civilë të dyshuar për bashkëpunim me autoritetet serbe, si dhe shqiptarë që mbështetën parti të tjera ose nuk iu bashkuan UÇK-së.

Dhomat e Specializuara theksojnë se Thaçi, Veseli, Krasniqi dhe Selimi mbajnë përgjegjësi penale personale për këto krime.

Të katër të akuzuarit e mohojnë fajësinë.

Mbrojtja thotë se aktakuza bazohet në një keqinterpretim selektiv të incidenteve./REL

 

 

 

 

 

 





Lajmet e fundit nga