web counter
LEXO PA REKLAMA!

SHKARKO APP

App Store
Google Play

Merz paralajmëron kreun e Kremlinit/ "Putin po teston limitet"

17 Shtator 2025, 12:55, Kosova & Bota CNA

Merz paralajmëron kreun e Kremlinit/ "Putin po teston limitet"

Kancelari i Gjermanisë, Friedrich Merz, porositi Europën që të mos e lejojë Rusinë t’i përcaktojë kushtet e një marrëveshjeje për paqe në Ukrainë, duke paralajmëruar se një gjë e tillë vetëm sa do ta trimëronte presidentin rus, Vladimir Putin, “që të kërkojë objektivin e tij të radhës”.

 

“Putin po i teston limitet prej një kohe të gjatë”, tha Merz në parlamentin gjerman, ku po diskutohet për buxhetin e ri.

“Ai saboton, spiunon, vret, përpiqet t’i trazojë njerëzit”, u shpreh kancelari i Gjermanisë.

 

Merz tha se kjo u bë e qartë në Poloni, javën e kaluar, kur dronët rusë cenuan hapësirën ajrore të vendit dhe u rrëzuan mbi territorin e tij, për herë të parë.

Putin, po ashtu, po përpiqet të destabilizojë shoqërinë gjermane, paralajmëroi kancelari Merz.

 

“Ne nuk do të lejojmë që kjo të ndodhë”, deklaroi Merz, duke shtuar se Gjermania po forcon kapacitetet e saj mbrojtëse pikërisht për këtë arsye.

 

“Ne duhet t’i parandalojmë kundërshtarët tanë nga agresioni i mëtejmë dhe, në të njëjtën kohë, t’i bëjmë më të bashkuar aleatët dhe partnerët”, tha Merz.

 

Gjermania ka qenë një prej mbështetëseve më të mëdha të Ukrainës pas pushimit rus në shkallë të gjerë, në 2022.

Sipas ministrit gjerman të Mbrojtjes, Boris Pistorius, Gjermania ua ka kaluar Shteteve të Bashkuara të Amerikës dhe tani është furnizuesi më i madh i Ukrainës me ndihma ushtarake./REL

 

 

 

 

 

 

 

 

 

 

 

 





Lajmet e fundit nga