web counter
LEXO PA REKLAMA!

SHKARKO APP

App Store
Google Play

E fundit!

x

Trump: Forcat amerikane godasin anijen e tretë të dyshuar për drogë dhe vrasin tre persona

20 Shtator 2025, 12:53, Kosova & Bota CNA

Trump: Forcat amerikane godasin anijen e tretë të dyshuar për

Presidenti Donald Trump ka bërë me dije se forcat amerikane kanë goditur një tjetër anije në brigjet e Venezuelës që trafikonte drogë dhe si pasojë kanë mbetur të vrarë tre narkotrafikantë.

Trump tha se urdhëroi sulmin ndaj anijes, e cila ishte në zonën e përgjegjësisë së Komandës Jugore të SHBA-së, pasi inteligjenca amerikane konfirmoi se po trafikonte drogë. Ishte sulmi i tretë i tillë ndaj anijeve të dyshuara për drogë në javët e fundit.

Në deklaratën e Trump në Truth Social të premten u tha se sulmi ndodhi në ujëra ndërkombëtare. Zona e përgjegjësisë së Komandës Jugore të SHBA-së mbulon pjesën më të madhe të Amerikës së Jugut dhe Karaibeve.

Deri më tani prej dy goditjeve ndaj anijeve me drogë që kalojnë në Venezuelë kanë mbetur të vrarë 14 persona.

Presidenti venezuelian Nicolás Maduro i ka dënuar më parë sulmet dhe ka thënë se vendi i tij do të mbrohet kundër "agresionit" të SHBA-së.

Postimi i Trump të premten në mbrëmje pasqyronte njoftimet e mëparshme për sulme të tilla. Ai paraqiste një video që tregonte anijen duke udhëtuar në një sipërfaqe uji dhe se si pak sekonda më vonë anija shpërthen dhe merr flakë.

"Me urdhrat e mi, Sekretari i Luftës urdhëroi një sulm kinetik vdekjeprurës ndaj një anijeje të lidhur me një Organizatë të Caktuar Terroriste që kryente trafik narkotikësh në zonën e përgjegjësisë së USSOUTHCOM," tha Trump.

"Inteligjenca konfirmoi se anija po trafikonte narkotikë të paligjshëm dhe po lëvizte përgjatë një rruge të njohur detare, përshkuar nga grupet e trafikut të drogës për të helmuar amerikanët," shkroi ai.

"Asnjë Forcë Amerikane nuk u lëndua në këtë sulm. Ndaloni shitjen e fentanilit, narkotikëve dhe drogave të paligjshme në Amerikë dhe kryerjen e dhunës dhe terrorizmit kundër amerikanëve”./ CNA





22:45 Kosova & Bota

E djathta e Europës

Qëndrimi i së djathtës ekstreme është moderuar, por nuk ka...

Lajmet e fundit nga