web counter
LEXO PA REKLAMA!

SHKARKO APP

App Store
Google Play

E fundit!

x

"Flokë gri"/ Kush është Andrey Troshev, njeriu që Putin propozon si shefin e Wagner

15 Korrik 2023, 11:16, Kosova & Bota CNA

"Flokë gri"/ Kush është Andrey Troshev, njeriu që

Presidenti rus Vladimir Putin u ka propozuar luftëtarëve të Grupit Wagner që mercenari i lartë i quajtur Andrey Troshev,  të komandojë grupin ushtarak privat. Lideri rus e ka konfirmuar këtë për gazetën Kommersant.

Ky i fundit njihet nga të gjithë si “Sedoi”, që në rusisht do të thotë “flokë gri”.

Kush është Andrey Troshev?

Troshev ka lindur në prill 1953 në Leningrad, në ish-Bashkimin Sovjetik.

Ai një kolonel rus në pension dhe një anëtar themelues dhe Drejtor Ekzekutiv i Grupit Wagner, sipas dokumenteve të sanksioneve të publikuara nga Bashkimi Evropian dhe Franca.

“Andrey Troshev është i përfshirë drejtpërdrejtë në operacionet ushtarake të Grupit Wagner në Siri. Ai ishte veçanërisht i përfshirë në zonën e Deir ez-Zor”, raporton CNN teksa citon dokumente të sanksioneve të publikuara nga Bashkimi Evropian dhe Franca.

Sanksionet e Mbretërisë së Bashkuar nga qershori 2022 thonë gjithashtu se “Andrey Nikolaevich Troshev ishte shefi ekzekutiv i Grupit Wagner. 

"Ai ka mbështetur regjimin sirian, ka qenë anëtar i një milicie dhe ka shtypur popullsinë civile në Siri”, thuhet në dokumentet britanike. 

Për shërbimin e tij në Afganistan, Troshev mori dy Urdhra të Yllit të Kuq.

Ndërkohë, fati i shefit të Wagner Prigozhin mbetet i paqartë.

Raportohet se ai ka udhëtuar në Bjellorusi si pjesë e një marrëveshjeje të ndërmjetësuar nga presidenti bjellorus Alexander Lukashenko pas kryengritjes së dështuar, por presidenti bjellorus i tha CNN javën e kaluar se lideri Wagner është tani në Rusi.

 

 





Lajmet e fundit nga