web counter
LEXO PA REKLAMA!

SHKARKO APP

App Store
Google Play

E fundit!

x

Izraeli thotë se ka parandaluar mbi 50 sulme të urdhëruara nga Irani

14 Korrik 2023, 17:20, Kosova & Bota CNA

Izraeli thotë se ka parandaluar mbi 50 sulme të urdhëruara nga

Izraeli dhe vende të tjera partnere të tij kanë parandaluar më shumë se 50 sulme të orkestruara nga Irani ndaj izraelitëve dhe hebrenjve jashtë vendit gjatë viteve të fundit, tha të enjten ministri izraelit i Mbrojtjes Yoav Gallant gjatë një vizite në Azerbajxhan.

Izraeli dhe Irani janë mbërthyer në një luftë në hije të stilit të Luftës së Ftohtë për dekada, me akuza të ndërsjella për sabotim dhe komplote për vrasje.

Të mërkurën, ministri i jashtëm izraelit Eli Cohen akuzoi Iranin se qëndron pas një përpjekjeje të parandaluar për të sulmuar ambasadën e Izraelit në Baku.

Zyrtarët azerbajxhanas nuk e kanë konfirmuar ende një gjë të tillë.

"Me urdhër të udhëheqësit të tij suprem, Irani ka zhvilluar në vitet e fundit një fushatë terroriste mbarëbotërore në shkallë të pashembullt, e fokusuar te izraelitët dhe hebrenjtë... Po flasim për më shumë se 50 tentativa sulmesh," cituan mediat izraelite të thoshte ministri Gallant.

Ai vlerësoi shërbimet e sigurisë së Izraelit dhe "bashkëpunimin e ngushtë me shumë vende" për parandalimin e sulmeve për të cilat dyshohet Irani. Zyrtarët iranianë nuk kanë komentuar. Azerbajxhani është një partner i rëndësishëm i mbrojtjes izraelite përgjatë kufirit me Iranin./ VOA





Lajmet e fundit nga