web counter
LEXO PA REKLAMA!

SHKARKO APP

App Store
Google Play

E fundit!

x

"Luftë e tretë botërore"/ Kryeministri hungarez kundër anëtarësimit të Ukrainës në NATO

15 Korrik 2023, 10:38, Kosova & Bota CNA

"Luftë e tretë botërore"/ Kryeministri hungarez

Kryeministri hungarez Viktor Orban është shprehur kundër anëtarësimit të Ukrainës në NATO në këtë periudhë pasi sipas tij kjo do të provokonte një luftë të tretë botërore.

“Nëse Ukraina do të ishte anëtarësuar në NATO, kjo do të nënkuptonte një luftë të menjëhershme botërore”, ka thënë kryeministri hungarez.

Sipas Orban, NATO duhet të lërë pezull kërkesën e Ukrainës për t’u anëtarësuar në aleancën më të fuqishme ushtarake në botë dhe se interesi i Perëndimit sipas tij është që  lufta ruso-ukrainase të vazhdojë për një kohë të gjatë, raporton Tass. 

“Prandaj qeveria hungareze duhet të përgatitet për faktin se lufta dhe sanksionet nuk do të zhduken së shpejti”, theksoi ai ai.

Kryeministri hungarez komentoi gjithashtu mbi retorikën e presidentit ukrainas Volodymyr Zelenskyy duke e nënkuptuar si jo të denjë.

“Nëse keni probleme dhe kërkoni ndihmë, silluni siç duhet ”, tha Orban.

Ndër të tjera ai deklaroi se edhe sekretari britanik i mbrojtjes Ben Wallace “qortoi”
presidentin Zelensky pas samitit të NATO-s për “mungesë mirënjohjeje”.

“Ukrainasit janë agresivë, ata janë kërkues,” shtoi Orban.

 

 





Lajmet e fundit nga