web counter
LEXO PA REKLAMA!

SHKARKO APP

App Store
Google Play

E fundit!

x

Vala e të nxehtit prek Evropën, temperaturat deri në 48 gradë, alarmi i kuq në 15 qytete italiane

15 Korrik 2023, 09:00, Kosova & Bota CNA

Vala e të nxehtit prek Evropën, temperaturat deri në 48

Alarmi i kuq është lëshuar në 15 qytete në të gjithë Italinë, pasi vapa ekstreme vazhdon të prekë Evropën Jugore.

Alarmet, të cilat tregojnë rreziqe edhe për njerëzit e shëndetshëm, zbatohen për pikat e nxehta turistike, duke përfshirë Romën, Firencen dhe Bolonjën për ditët në vijim.

Temperaturat e mundshme rekord priten në Evropë javën e ardhshme me afrimin e një vale tjetër të nxehtë.
Agjencia Evropiane e Hapësirës (ESA) thotë se Italia, Spanja, Franca, Gjermania dhe Polonia mund të shohin kushte ekstreme.

Temperatura më e nxehtë e regjistruar ndonjëherë në Evropë ka qenë 48.8 gradë celsius në Siçili në gusht 2021, dhe parashikimet sugjerojnë se nivele të ngjashme mund të arrihen këtë javë.

Ndërkohë, Greqia ka arritur temperaturat 40 gradë celcius ose më shumë ditët e fundit. Akropoli - atraksioni më i njohur turistik i vendit - u mbyll gjatë orëve më të nxehta të së premtes për të mbrojtur vizitorët.

Temperaturat e larta kanë arritur gjithashtu në pjesët qendrore të Evropës, me Gjermaninë dhe Poloninë midis vendeve të prekura.

Sakaq, zyra meteorologjike e Çekisë lëshoi një paralajmërim se temperaturat gjatë fundjavës mund të shkojnë mbi 38 gradë celsius, që janë jashtëzakonisht e larta për vendin.

Valët e të nxehtit po shihen gjithashtu në disa pjesë të SHBA-së, Kinës, Afrikës së Veriut dhe Japonisë.

 





Lajmet e fundit nga