web counter
LEXO PA REKLAMA!

SHKARKO APP

App Store
Google Play

Duhen vizituar me patjetër/ Dy qytetet evropiane që kryesuan në listën e turizmit "inteligjent"

30 Nëntor 2023, 10:22, Kosova & Bota CNA
Duhen vizituar me patjetër/ Dy qytetet evropiane që kryesuan në
Foto ilustruese

Kryeqyteti i Irlandës, Dublini, dhe qyteti italian i Grosseto-s janë zgjedhur nga Komisioni Evropian si kryeqyteti Evropian i Turizmit të zgjuar, respektivisht, si Pionier i Turizmit të Gjelbër Evropian për vitin 2024.

Vendimi vjen pasi janë marrë parasysh arritjet e tyre në fushat e aksesueshmërisë, qëndrueshmërisë, si dhe digjitalizimit dhe trashëgimisë kulturore, raporton "SchengenVisaInfo.com".

Dublini dhe Grosseto u zgjodhën mes gjithsej 40 destinacioneve në 21 vende pas një takimi të jurisë evropiane që u mbajt më 28 nëntor.

Konkursi promovon turizmin "inteligjent" në vendet e Bashkimit Evropian, duke shpërblyer qytetet për qasje inovative ndaj aksesueshmërisë, si dhe digjitalizimin, qëndrueshmërinë dhe trashëgiminë kulturore.

Komisioni Evropian ka prezantuar dy konkurse që synojnë promovimin e turizmit të zgjuar dhe të qëndrueshëm brenda bllokut. 

Turizmi "inteligjent" është një iniciativë e Komisionit Evropian e financuar në kuadër të Programit COSME.

Turizmi "inteligjent" synon ta bëjë sektorin e turizmit më inovativ, duke përdorur teknologjitë digjitale, në mënyrë që t'u ofrojë turistëve përvoja më efikase, të personalizuara dhe të këndshme, duke kontribuar në qëndrueshmërinë dhe menaxhimin e destinacioneve turistike.

Autoritetet në vendet evropiane kanë intensifikuar përpjekjet e tyre për të ndihmuar në rimëkëmbjen e shpejtë të sektorit të turizmit, i cili është prekur shumë nga përhapja e koronavirusit dhe varianteve të reja të tij./CNA





Lajmet e fundit nga