web counter
LEXO PA REKLAMA!

SHKARKO APP

App Store
Google Play

Divorcohen çifti i biznesmenëve/ Gruaja lë burrin pa një “kacidhe”, ai e denoncon për tradhti dhe evazion fiskal

29 Nëntor 2023, 20:10, Kosova & Bota CNA

Divorcohen çifti i biznesmenëve/ Gruaja lë burrin pa një

Një “luftë” ka shpërthyer mes dy biznesmenësh në Greqi, të cilët janë në proces divorci pas 10 vitesh martesë.

Biznesmenët grekë, të cilët kanë dy fëmijë së bashku, kanë pasur përplasje për çështjen e pasurisë.

Ish-bashkëshorti akuzon ish-bashkëshorten e tij për tradhti dhe evazion fiskal sistematik.

“Tani e kuptoj pse ke vënë 3 kasaforta në shtëpi, ndërsa unë të thashë që të gjitha paratë që nxjerrim duhet të shkojnë në bankë. Natyrisht, këto para ishin "të zeza". I fshehe në shtëpi, ndërkohë që mbante edhe libra dublikatë”, i tha ai ish-bashëshkëshortes.

Në dosjen gjyqësore ish-bashkëshorti flet për një “pasuri faraonike”, me vlerë miliona euro.

Madje, ai ka denoncuar ish-partneren në Autoritetin e Pavarur për para “të zeza”, duke pretenduar se ajo i shmanget në mënyrë sistematike taksave.

Gjithashtu tregon se ish-gruaja i ka ofruar 100 mijë euro cash për të blerë heshtjen e tij, gjë që nuk e ka pranuar.

“Më ofrove 100 mijë euro cash për të zgjidhur mosmarrëveshjet tona në mënyrë të paligjshme dhe jo transparente dhe unë nuk e pranova. Pasuria jote jo vetëm është rritur, por edhe shumëfishuar gjatë martesës sonë falë kontributit tim. Çfarëdo që ke fituar gjatë martesës sonë, më ke borxh gjysmën”, i ka thënë ai ish-bashkëshortes.

“Jam detyruar të kthehem në shtëpinë time atërore dhe të jetoj me prindërit e mi të moshuar. As shpenzimet elementare nuk i mbuloj dot dhe rrezikoj të largohem nga fëmijët tanë”, ka deklaruar greku ndër të tjera.

Ndërkohë, avokati i biznesmenit është shprehur për mediat se lientit të tij i është ndërprerë plotësisht komunikimi me fëmijët, si dhe aksesi i tij në çdo pasuri.

Biznesmenët posedojnë dyqane veshjesh dhe bizhuterish në Athinë, Paros dhe Mykonos, të cilat zyrtarisht kapin xhiro deri në 2 milionë euro./ CNA





Lajmet e fundit nga