web counter
LEXO PA REKLAMA!

SHKARKO APP

App Store
Google Play

Berisha zbulon faktet/ Eksponentë të PS-së, votuan disa herë në qendrat e votimit

2 Qershor 2023, 12:17, Kosova & Bota CNA

Berisha zbulon faktet/ Eksponentë të PS-së, votuan disa herë

Ish-kryeministri Sali Berisha në konferencën e përjavshme me gazetarët ka zbuluar me video dhe foto se si eksponentë të PS shkelin ligjin dhe kushtetutën gjatë zgjedhjeve të 14 majit.

Sipas Berishës, është votuar disa herë nga një person në qendrat e votimit të Bashkisë Kamzë, po ashtu dhe në qendra të tjera.

"Por sot në këtë konferencë, do paraqesim rezultatet e para të shqyrtimit të veprimtarisë elektorale në 6 qendra votimi në Kamëz kundrejt 133 qendrave që ka kjo bashki.

Kandidati ynë ka aplikuar dhe kërkon të marrë të gjitha videot e qendrave të votimit për të vërtetuar fenomenet antikushtetuese të votimit në Bashkinë e Kamzës.

Në këto gjashtë qendra, janë gjetur 240 ndërhyrje manipulative në të cilat rasti i operatorit Haxhi Gusja, voton vetë me disa karta identiteti në qendrën e votimit 1577/1 në Valias.

Rasti i komisioneres së PS, Ilva Marku, e cila ngrihet dhe voton për votuesit. Kjo është një militante e thekur, një kriminele elektorale në qendrën e votimit.

Raste të tjera ku voton një person për 3 votues. Pra, kemi një seri videosh që do ua demonstrojmë, por ndërkohë edhe do ua nisim në emailet tuaja", eshte shprehur Berisha./ CNA.al





Lajmet e fundit nga