web counter
LEXO PA REKLAMA!

SHKARKO APP

App Store
Google Play

Alarm në Greqi/ Avioni ushtarak që u rrëzua mbante 12 tonë lëndë të rrezikshme

17 Korrik 2022, 08:18, Kosova & Bota CNA
Alarm në Greqi/ Avioni ushtarak që u rrëzua mbante 12 tonë
Foto nga vendngjarja

Një avion mallrash, Antonov, e një linje ajrore ukrainase, u rrëzua mbrëmjen e së shtunës pranë qytetit Kavalla në Greqinë veriore.

Në bord ndodheshin tetë persona duke u bazuar në informacionet nga zjarrfikësit dhe televizioni shtetëror i Greqisë.

Ndërkohë, ka dyshime se bëhet fjalë për rreth 12 ton municione që po transportoheshin me avion.

Sipas kësaj agjencie lajmesh, autoritetet greke të aviacionit civil njoftuan se avioni po fluturonte nga Serbia për në Jordani.

Gjithashtu thuhet se avioni ishte i kompanisë Meridian. Sipas disa raporteve, piloti arriti t’i informonte autoritetet për një problem në njërin nga motorët e avionit. Atij, më pas, iu kërkua të aterojë në aeroportin e Selanikut ose Kavallës, raportojnë mediat.

Pasi mori drejtimin për në Kavallë, avioni u rrëzua rreth 40 kilometra në perëndim të aeroportit të këtij qyteti, tha Autoriteti i Aviacionit Civil grek. Rrëzimi i avionit u konfirmua edhe nga Flightradar. 24 – një sistem që gjurmon avionët në kohë reale.

 





Lajmet e fundit nga