web counter
LEXO PA REKLAMA!

SHKARKO APP

App Store
Google Play

E fundit!

x

Me 68 vota pro/ Kuvendi i Maqedonisë së Veriut miraton propozimin francez

16 Korrik 2022, 13:26, Kosova & Bota CNA

Me 68 vota pro/ Kuvendi i Maqedonisë së Veriut miraton propozimin

Kuvendi i Maqedonisë së Veriut, ka miratuar me 68 vota pro ‘propozimin francez’. Jashtë Kuvendit qytetarët janë mbledhur sërish për të protestuar.

Votimi vjen pasi në Kuvendin e Maqedonisë së Veriut prej tri ditësh është debatuar për këtë propozim.

Gjatë gjithë debatit, deputetët e partisë opozitare, VMRO-DPMNE, përmes fishkëllimave penguan deputetët e partive në pushtet që të mbajnë fjalimet e tyre.

Deputetët duhet të votojnë propozim francez dhe disa konkluzione të hartuara nga grupi parlamentar i Lidhjes Social-Demokrate (LSDM), e që kanë të bëjnë me garancitë për gjuhën dhe identitetin maqedonas.

“Kuvendi obligon Qeverinë që përmes delegacioneve në bisedime, t’i përmbahet përcaktimit për respektimin pa kushte të gjuhës, identitetit dhe kulturës së popullit maqedonas, si elemente për të cilat nuk negociohet me BE-në. Në kornizën e bisedimeve gjuha maqedonase të jetë pa sqarime, pa shtesa dhe pa fusnotë”, thuhet në propozim-konkluzionet që u prezantuan nga Grupi Parlamentar i LSDM-së.

Propozimi francez parasheh kapërcimin e dallimeve mes Shkupit dhe Sofjes lidhur me gjuhën maqedonase, identitetin dhe të kaluarën historike, ndërkohë që pala bullgare kërkon nga pala maqedonase që të përfshijë edhe pakicën bullgare në preambulën e Kushtetutës, si të barabartë me popujt e tjerë.





Lajmet e fundit nga