LEXO PA REKLAMA!

SHKARKO APP

App Store
Google Play

101 piktura grafike në 40 vjet/ Ekspozita e artistit Anastas Kostandini në Pogradec

2022-08-14 14:39:00, Kulturë CNA

101 piktura grafike në 40 vjet/ Ekspozita e artistit Anastas Kostandini

Pas 40 vitesh karrierë si piktor, Anastas Kostandini, i njohur me emrin Taso ka sjellë për herë të parë një ekspozitë në gravura. 101 të tilla janë ekspozuar ne galerinë e Pogradecit duke sjellë peizazhet e Pogradecit të vjetër, liqenit, natyrës dhe përditshmërisë.

Piktori i mirënjohur për stilin e tij unik nga mënyra se si luan me ngjyrat dhe objektet mes emocionesh tregon se nuk mund të linte pa ekspozuar këto grafika, ndërsa gjithçka që ai sjell e ka një mesazh kritik nga ai.

“Megjithëse kam 40 vjet që punoj, nuk është e nevojshme të braktisësh vendin që të kapësh Olimpin e artit. Edhe sot me zhvillimin teknologjik është e mundur të bësh art si murgjërit dikur të vetizoluar nëpër manastire. Unë jam shumë kritik dhe kam marrëdhënie dashuri-urrejtje me qytetin tim, sepse më dhimbset qyteti. Shumë gjëra kanë ndryshuar jo gjithmonë për mirë”, thotë artisti.

Janë të panumërt ata që e adhurojnë artin e Tasos dhe mënyrën se si ai i sjell punimet në ekspozita çfarë e bën artdashësin të “ngulet” para tyre.

101 gravurat e ekspozuara nuk një përzgjedhje rastësore e artistit por se pjesa tjetër e tyre pasi janë me qindra të tjera do të vijnë në kohë dhe vende të ndryshme./euronews

Lajmet e fundit nga