Nga fshehja e biznesit tek pagesat e Rilindjes/ Si u shpërblye deputeti i PD-së, me dy mbiemra

2022-08-20 10:11:00, Denoncim CNA

Nga fshehja e biznesit tek pagesat e Rilindjes/ Si u shpërblye deputeti i

Lefter Gështenja, është deputet i Partisë Demokratike, i futur në lista nga Lulzim Basha dhe i dalë nga zgjedhjet e 25 Prillit 2021.

Nga drejtor tek rrugët, më pas bëhet biznesmen e miliarder, më pas deputet i paguar nga taksat e shqiptarëve.

Por, për të qenë në sallën e Kuvendit, Gështenja, dyshohet se ka gënjyer, kryesisht për kriterin e pasurisë por edhe në atë të dekriminalizimit.

Ndalohemi tek dekriminalizimi.

Gështenja deklaron se ka ndryshuar mbiemrin e tij por edhe emrin e babait, por nuk jep arsyet.

Mbiemri i tij i parë ka qenë Kostenja, dhe emri i parë i babait ka qenë Alush. Mbiemrin e ka ndryshuar në Gështenja, kurse emrin e babait e ka bërë Lush.

Nga fshehja e biznesit tek pagesat e Rilindjes/ Si u shpërblye deputeti i

Arsyet janë mister, nuk deklarohen por kjo nuk do të thotë se nuk duhet të hetohen.

Kalojmë tek pasuria.

Në deklaratën e pasurisë të vitit 2021, që konsiderohet si fillestare, para se të merrte postin e deputetit, ai deklaron se ka pjesën më të madhe të burimeve financiare i ka nga emigracioni, ndërkohë në formularin e vetë-deklarimit, shkruan se ka qëndruar në Greqi në vitet 1991-1992.

Nga fshehja e biznesit tek pagesat e Rilindjes/ Si u shpërblye deputeti i

Gështenja ka deklaruar se ka në pronësi, një shtëpi dy kate në Tiranë, e ndërtuar rreth viteve 1980, me sipërfaqe ndërtimi 63 m2 mbi parcelën ndërtimore, truall 300 m2, me investim 700 000 lekë, shtëpi banimi të ndërtuar përgjatë viteve 1992-1995 e përbërë nga një kat nëntokë-garazh 100.4 m2, kati përdhe 109.9 m2, kati parë 130 m2, kati dytë 130 m2, me vlerë 6 milionë lekë, ambient shërbimi në Tiranë 265 m2, me vlerë 80 mijë euro, shtëpi banimi në Qerret 73 m2 dhe me vlerë 25 mijë euro, garazh në Tiranë 80 m2 me vlerë 13 mijë euro, rreth 2 mijë m2 tokë në Tiranë me vlerë rreth 80 mijë USD dhe makinë 20 mijë euro.

Nga fshehja e biznesit tek pagesat e Rilindjes/ Si u shpërblye deputeti i

Edhe paratë për shkollimin e fëmijëve në Angli dhe Holandë janë mister. Nuk deklaron asnëj të dhënë.

Nga fshehja e biznesit tek pagesat e Rilindjes/ Si u shpërblye deputeti i

Fshehja e biznesit

Gjatë investigimit, CNA.al zbuloi se Gështenja kishte qenë pronar i kompanisë “Civil Cons”, një kompani konsulence.

Sipas të dhënave të QKB-së, Gështenja nuk e ka më në pronësi këtë kompani, por të dhënat e tjera të zbuluara gjatë ivestigimit ngrenë dyshimet se ai qëndron sërish pas kësaj kompanie.

Kompania në fjalë është themeluar në vitin 2018. Sipas statutit të shoqërisë, ortakët themelues janë, K.A. dhe Lefter Gështenja me 50% të kapitalit secili.

Pas një viti, kokretisht me datë 05.07.2019, me anë të kontratës së dhurimit të aksioneve, kompania ka kaluar në duar të familjareve të ortakëve, K.A dhe Lefter Gështenjës.

K. A. dhe Lefter Gështenja largohen nga shoqëria duke dhuruar kuotat e tyre prej 50% të kapitalit secili, në favor të ortakëve të rinj, D.A. dhe Sadete Gështenjës.

Nga fshehja e biznesit tek pagesat e Rilindjes/ Si u shpërblye deputeti i

Me datë 25.09.2020, me anë të kontratës së shitjes se kuotave të kapitalit, ortaket Sadete Geshtenja dhe D. A. shesin kuotat e tyre prej 50% te kapitalit secila në favor te ortakëve të rinj: D.D. (50%) dhe K.Ç.i (50%), kundrejt çmimit total prej 100.000 (njeqind mijë) lekë.

Nga fshehja e biznesit tek pagesat e Rilindjes/ Si u shpërblye deputeti i

Dyshime për shitje fiktive të kompanisë

“Civil Cons” vetëm dy vite e themeluar ka hyrë fuqishëm në treg duke marrë tendera qindra-milionë lekë nga isntitucionet shtetërore, shitet për vetëm 100 mijë lekë të vjetra.

Për më tepër shitja ka ndodhur në momentet kur Gështenja deklaronte në takime se kishte të sigurtë vendin e mandatit të deputetit, pasi kishte zgjidhur gjithçka me Lulzim Bashën dhe familjarët e tij.

Nga fshehja e biznesit tek pagesat e Rilindjes/ Si u shpërblye deputeti i

Kompania në fjalë rezulton se ka marrë 35 tendera me vlerë mbi 1 miliard lekë, nga institucione të ndryshme qendrore dhe vendore.

11 tendera i ka marrë Fondi Shqiptar i Zhvillimit, që është në varësi të kryeministrisë.

Tendera ka marrë nga pushteti vendor, nga 7 Bashki, tendera nga institucioni ku ai ka punuar, Autoriteti Rrugor Shqiptar, nga Spitali i Traumës dhe nga disa Ministri.

Pra 1 miliardë lekë nga Rilindja i janë dhënë “Civil Cons”, nga 2018 dhe këtej.

Përveç kësaj dyshohej se ka aksione në kompani të tjera të vendosur me emra të përsonave të tretë, siç thuhet në denoncimin e mbërritur në CNA.al, e cila do t’i shkojë më tej investigimit të nisur për deputetin Lefter Gështenja./CNA.al