Dita e 14/ Pa “gjurmë”, Veliaj dhe Mero Baze nuk nxjerrin dokumentin me firmën e Ols Dados

2025-08-31 14:10:00, Aktualitet CNA

Dita e 14/ Pa “gjurmë”, Veliaj dhe Mero Baze nuk nxjerrin

Erion Veliaj dhe Mero Baze vijojnë të mos e nxjerrin dokumentin me firmën e Ols Dados dhe refuzimin me firmën e kryebashkiakut në lidhje me pretendimet dhe akuzat se prokurori po heton Veliajn për “hakmarrje” pasi nuk i ka miratuar shtesën mbi lejen e ndërtimit.

Prej 14 ditësh jemi ende në pritje që Veliaj dhe Mero Baze të publikojnë dokumentin me firmën e Ols Dados kur kërkon shtesën mbi lejen dhe refuzimin me firmën e kryebashkiakut i cili pretendon se Ols Dado po “hakmerret” dhe është në konflikt interesi.

Ashtu siç dhe e kemi raportuar më parë (Kërkesa nuk ekziston, as refuzimi, njësoj si inceneratori i Tiranës).

Për këtë po ju sjellim qëndrimet e Veliajt dhe Mero Bazes

Pretendimi i Erion Veliajt

Në pikën 135, Veliaj thotë se prokurori Ols Dado ka marrë një leje ndërtimi në Bashkinë e Tiranës dhe pastaj ka kërkuar një shtesë mbi atë me leje dhe kjo i është refuzuar.

Dita e 14/ Pa “gjurmë”, Veliaj dhe Mero Baze nuk nxjerrin

Ndërsa në pikën 136 të dokumentit pa vulë dhe pa firmë, Erioni e trajton këtë si një çështje “hakmarrjeje” nga ana e prokurorit Ols Dado, sepse, sipas tij, nuk i është dhënë leja e ndërtimit për shtesën pasi ka bërë një kërkesë.

Dita e 14/ Pa “gjurmë”, Veliaj dhe Mero Baze nuk nxjerrin

Pse Erion Veliaj nuk e nxjerr dokumentin me firmën e Ols Dados dhe refuzimin me firmën e tij?

Pretendimi i Mero Bazes

Mero Baze thotë se, sipas tij, hetimi ndaj Veliajt është i kërkuar me ngulm nga një prokuror, i cili muaj më parë ka pasur konflikt personal me të, lidhur me kërkesat e tij për një leje ndërtimi jashtë kritereve ligjore që kishte bashkia.

“Pra, është e qartë që kemi të bëjmë me një hetim të kërkuar me ngulm nga një prokuror, i cili muaj më parë ka pasur konflikt personal për të, lidhur me kërkesat e tij për një leje ndërtimi jashtë kritereve ligjore që kishte bashkia, e cila nuk i është realizuar”, thotë Mero Baze, i cili shërben si vegël e kryebashkiakut Erion Veliaj.

Dita e 14/ Pa “gjurmë”, Veliaj dhe Mero Baze nuk nxjerrin

Nëse është kështu, pse nuk e vërteton Mero Baze? Ku e ka dokumentin me firmën e Ols Dados dhe refuzimin me firmë të Erion Veliajt? Pse nuk e nxjerr?

Kanë kaluar 14 ditë dhe pretendimet e Veliajt e Mero Bazes nuk kanë asnjë bazë, pasi nuk kanë publikuar as dokumentin me firmën e prokurorit Ols Dado dhe as refuzimin me firmën e kryebashkiakut të arrestuar të Tiranës, i cili ndodhet në qelitë e burgut të Durrësit, me 13 akuza dhe disa vepra të rënda penale./ CNA