web counter
LEXO PA REKLAMA!

SHKARKO APP

App Store
Google Play

E fundit!

x

Guvernatori Sejko: SEPA, mekanizëm i ri për shqiptarët për dërgesa të shpejta e të sigurta të parave

25 Shtator 2025, 12:18, Ekonomi CNA

Guvernatori Sejko: SEPA, mekanizëm i ri për shqiptarët për

Duke nisur nga data 7 tetor, 11 bankat tregtare në Shqipëri do të nisin zbatimin e pagesave ndërkufitare në euro sipas standardeve të SEPA-s (Zona e Pagesave të Vetme në euro).

Guvernatori i Bankës së Shqipërisë, Gent Sejko, përmes një videomesazhi në rrjete sociale, u ndal te kjo risi që ka ky mekanizëm i ri, qytetarët dhe bizneset shqiptare do të përfitojnë ndjeshëm në aspektin e shpejtësisë, sigurisë dhe kostos së transferimeve të parasë në euro.

“Me SEPA, dërgesat e parave janë të shpejta, të sigurta dhe më të lira. Ato mund të bëhen nga kudo në Europë dhe në çdo kohë. Me SEPA nuk do të ketë më vonesa, procese të ndërlikuara apo tarifa të larta për transferimet ndërkufitare të euros”,-shprehet Sejko.

Çfarë ndryshon për qytetarët dhe bizneset?

Për transfertat dalëse elektronike me vlerë deri në 100 mijë euro, komisioni nuk mund të jetë më i lartë se 0.01% e vlerës.

Për transfertat dalëse elektronike me vlerë mbi 100 mijë euro, tarifa maksimale është 25 euro.

Minimumi i komisionit që mund të aplikohet nuk mund të jetë më i lartë se 2 euro. Për transfertat hyrëse elektronike të çfarëdo vlere, komisioni nuk mund të jetë më i lartë se 3 euro./CNA





Lajmet e fundit nga