web counter
LEXO PA REKLAMA!

SHKARKO APP

App Store
Google Play

E fundit!

x

Rama fton investitorët: Blini sot prona në Shqipëri, pas anëtarësimit në BE do kushtojnë dyfish

23 Shtator 2025, 20:15, Ekonomi CNA

Rama fton investitorët: Blini sot prona në Shqipëri, pas

Nga Vjena, Kryeministri Edi Rama u bëri thirrje investitorëve që të blejnë prona në Shqipëri, duke theksuar se çmimet e tregut do të vazhdojnë të rriten.

Në konferencën “Shqipëria, Horizonti i Ri”, të zhvilluar në Vjenë, ai iu përgjigj një pyetjeje mbi rolin e qeverisë për zgjatjen e sezonit turistik përtej 180 ditëve.

Rama theksoi se sezoni tashmë është zgjeruar, por sfidë mbetet shtrirja e tij përgjatë gjithë vitit. Nga ana tjetër, ai i inkurajoi investitorët të blejnë toka dhe apartamente në Shqipëri, duke paralajmëruar se çmimet do të rriten ndjeshëm dhe madje mund të dyfishohen pas anëtarësimit të vendit në Bashkimin Europian.

“Përshëndetje në jemi investues në prona, si për shembull në hoteleri, për turizëm, dhe kemi filluar të blejmë prona në Shqipëri përpara disa vitesh. Ju sezonin e keni rreth 180 ditë, së bashku me qeverinë në duhet të krijojmë ide të reja se çfarë mund të bëjmë edhe për 180 ditë të tjera. Sepse nga ky sezon vetëm me 180 ditë, ne nuk arrijmë dot të marrim nga investimi atë që investojmë. Për shembull me ide të ndryshme si mund ta arrijmë këtë gjë? Kërkesa ime është që a mund të bëjmë diçka për zgjerimin e sezonin?”, shtroi kërkesën një investues pronash.

“Në fakt sezoni po zgjatet tashmë. Këtë vit ka qenë shumë e qartë, që numrat janë shtuar tashmë, sigurisht në terma relative duke i krahasuar me vitin e kaluar, por do të thosha që pyetja që ju bëtë ose sfida është e vërtetë. Na duhet që të bëjmë më shumë në këtë drejtim. Vetë investuesit mund të bëjnë më shumë në këtë fushë. Në veçanti investuesit nga Austria, Gjermania, Spanja, ose më mirë do të thosha vendet nga Europa veriore.

Pasi ju mund të na ndihmoni që të ndihmojmë vetë strukturat qeveritare dhe ato vendore që të jenë edhe personat që kanë dalë në pension të vijnë të kalojnë më shumë kohë në Shqipëri. Mendoj që do të ndodhë kjo gjë. Edhe për arsye sepse sektori i pronave në Shqipëri po ecën vërtetë përpara dhe ka hapësirë për të blerë prona me një çmim të përballueshëm ende.

Ajo që do t’u thosha të gjithëve që kanë shumë para, t’i shpenzoni duke blerë prona, apartamente në Shqipëri, do të jetë investim vërtet shumë i mirë në Shqipëri. Sepse çmimet do rriten akoma më shumë edhe kur të bëhemi shtet anëtar i BE. Çmimet rriten pothuajse dyfish. Blini një apartament në Tiranë, prisni pak vite, dhe e shisni me çmim dyfish. Ejani në Shqipëri dhe blini prona”, deklaroi Kryeministri Edi Rama./Monitor

 





Lajmet e fundit nga