web counter
LEXO PA REKLAMA!

SHKARKO APP

App Store
Google Play

Tregtia me pakicë, turistët dhe shqiptarët po preferojnë të udhëtojnë e jo të konsumojnë

16 Shtator 2025, 14:21, Ekonomi CNA

Tregtia me pakicë, turistët dhe shqiptarët po preferojnë

Tregtia me pakicë ka vijuar rritjen në tremujorin e dytë të këtij viti, e nxitur nga numri i lartë i turistëve që vizitojnë vendin.

Megjithatë, të dhënat e INSTAT nxjerrin në pah një sjellje interesante të konsumatorëve, si vendas ashtu dhe të huaj, gjatë kësaj periudhe, atë të rritjes së fortë të konsumit të karburantit dhe ngadalësimit të produkteve të tjera.

Sipas INSTAT, indeksi i volumit të shitjeve në tregtinë me pakicë, i llogaritur bazuar në deflatimin e indeksit të shitjeve në vlerë, arriti 117,1 duke shënuar një rritje 6,2 %, krahasuar me tremujorin e dytë 2024. Ritmet e rritjes janë ngadalësuar në raport me dy tremujorët e mëparshëm, kur treguesi zgjerohej me mbi 7%.

Të ndara sipas kategorive, rritja është udhëhequr dukshëm nga konsumi i karburanteve. Indeksi “Tregti me pakicë e hidrokarbureve në njësi tregtare të specializuara” është rritur me 10.1%, nga 5.3% në të njëjtin tremujor të një viti më parë.

Në të kundërt, “tregti me pakicë (Pa përfshirë tregtinë me pakicë të hidrokarbureve në njësi tregtare të specializuara)” u rrit me 4.9%, nga 6.2% në të njëjtën periudhë të një viti më parë.

Sipas INSTAT, Në ndryshimin vjetor prej +6,2 %, në tremujorin e dytë 2025 ndaj tremujorit të dytë 2024, në tregtinë me pakicë, grupet kanë kontribuar si më poshtë:

“Artikuj joushqimorë në njësi tregtare të specializuara dhe jo të specializuara” me +2,2 pikë përqindje.

Grupi “Ushqime, pije e duhan në njësi tregtare jo të specializuara dhe të specializuara” ka kontribuar me +1,5 pikë përqindje dhe grupi “Tregti me pakicë e hidrokarbureve në njësi tregtare të specializuara” me +2,5 pikë përqindje.

Statistikat tremujore të tregtisë me pakicë pranë ndërmarrjeve përshkruajnë ecurinë dhe zhvillimet më të fundit të treguesve ekonomikë në njësitë e shitjes me pakicë dhe konsumit të popullatës në vend./ Monitor





Lajmet e fundit nga