web counter
LEXO PA REKLAMA!

SHKARKO APP

App Store
Google Play

E fundit!

x

Forcohet monedha vendase/ Malaj: 3 faktorët që kanë ndikuar në fuqizimin e lekut

28 Prill 2023, 15:38, Ekonomi CNA

Forcohet monedha vendase/ Malaj: 3 faktorët që kanë ndikuar

Ditët e fundit është vënë re një forcim i lekut vendas. Për këtë ka folur pasditen e sotme ish-ministri i Financave, Arben Malaj, i cili tregoi 3 faktorët që ndikojnë në forcimin e lekut.

Në një dalje televizive, Malaj tha se burimet janë turizmi, remitanca dhe të ardhurat nga investimet e huaja direkte.

Ai deklaroi se fuqizimi i monedhës kombëtare ndodh kur fuqizohet ekonomia, ndërsa theksoi se nga kjo gjë përfitojnë ata që i kanë detyrimet në euro dhe të ardhurat në lekë.

“Përmasat e fuqizimit të monedhës kombëtare janë në nivele të papara. Kursi i këmbimit është çmimi. Si çdo çmim shikojmë ofertën, hyrjen e euros, kërkesën dhe daljen. Ajo që vlerësohet dhe nga analistët, është se ka tri burime; turizmi, remitanca dhe të ardhurat nga investimet e huaja direkte. Shifrat do duhen qartësuar nga institucionet përkatëse. Ajo që po ndodh konsiderohet normale nëse këta tregues janë real. Fuqizimi i monedhës kombëtare ndodh kur fuqizohet ekonomia. Shqipëria ka deficit tregtar. Ne duhet të qartësojmë se Banka e Shqipërisë, si çdo institucion tjetër, është i interesuar për monedhën kombëtare, dhe jo për euron. Banka ndërhyn kur goditet sistemi ynë i pagave dhe pensioneve. Por kush fiton dhe kush humbet nga forcimi i monedhës kombëtare?! Të parët përfitojnë ata që i kanë detyrimet në euro dhe të ardhurat në lekë. Nga kjo përfiton dhe qeveria shqiptare, pasi kemi borxh të madh në euro. Banka Botërore nisi një fushatë ndaj uljes së varësisë ndaj euros”, theksoi ish-ministri i Financave./ CNA.al





Lajmet e fundit nga