LEXO PA REKLAMA!

SHKARKO APP

Gjykata Kushtetuese merr vendimin/ Shfuqizohet Bordi i Transparencës për karburantet

18 Prill 2023, 20:52, Ekonomi CNA
Gjykata Kushtetuese merr vendimin/ Shfuqizohet Bordi i Transparencës
Gjykata Kushtetuese

Gjykata Kushtetuese ka shfuqizuar Bordin e Transparencës për karburantet.

"Kushtetuesja" ka shfuqizuar një nen, sipas së cilit Bordi i Karburanteve nuk mund të shkrijë vetveten.

Kjo pasi gjykata e ka konsideruar si të papajtueshëm Bordin e Transparencës me Kushtetutën.

Vendimi është marrë në mbledhjen e sotme me shumicë votash.

Gjykata Kushtetuese e Republikës së Shqipërisë, bazuar në nenet 131, pika 1, shkronja “c” dhe 134, pika 1, shkronja “c”, të Kushtetutës, si dhe nenin 49, pika 1, të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, të ndryshuar, me shumicë votash,

VENDOSI:

1. Pranimin pjesërisht të kërkesës.

2. Shfuqizimin e nenit 21/10, pika 2, fjalia e dytë, të ligjit nr. 39/2022 “Për miratimin e aktit normativ nr. 5, datë 12.03.2022 “Për disa shtesa në ligjin nr. 8450, datë 24.02.1999 “Për përpunimin, transportimin dhe tregtimin e naftës, të gazit dhe nënprodukteve të tyre”, të ndryshuar”, si të papajtueshëm me Kushtetutën e Republikës së Shqipërisë.

Ky vendim është përfundimtar dhe hyn në fuqi ditën e botimit në Fletoren Zyrtare.

Vendimi përfundimtar do të shpallet i arsyetuar brenda afateve ligjore të parashikuara nga ligji nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, i ndryshuar dhe nga Rregullorja për Procedurat Gjyqësore të Gjykatës Kushtetuese”, thuhet në vendimin e Gjykatës Kushtetuese.

Ndërkohë, kujtojmë se Gjykata Kushtetuese gjithashtu shfuqizoi disa ditë më parë edhe Bordin e Transparencës për Ushqimet./ CNA.al

09:34 Ekonomi

Si matet varfëria?

Ç’rrënjosja e varfërisë në të gjitha format e saj ësht...

Lajmet e fundit nga