web counter
LEXO PA REKLAMA!

SHKARKO APP

App Store
Google Play

E fundit!

x

BERZH: Rritja ekonomike e Shqipërisë në nivelin 3.5% për vitin 2025 dhe 2026

26 Shtator 2025, 18:44, Ekonomi CNA

BERZH: Rritja ekonomike e Shqipërisë në nivelin 3.5% për

Banka Europiane për Rindërtim dhe Zhvillim ka mbajtur të pandryshuar parashikimin për rritjen ekonomike të Shqipërisë në nivelin 3.5% për vitin 2025 dhe 2026. Kjo reflekton pritshmëri për një ecuri të qëndrueshme të ekonomisë, pavarësisht trysnive nga ambienti i jashtëm dhe faktorëve të brendshëm.

Raporti i BERZH për perspektivat ekonomike rajonale vlerëson se në tremujorin e parë të vitit 2025, ekonomia u rrit me 3.4%, e nxitur kryesisht nga shërbimet dhe ndërtimi, ndërsa bujqësia dhe industria patën tkurrje të lehta. Inflacioni mbeti i ulët, me normën vjetore në 2.3% në gusht.

Si përgjigje, Banka e Shqipërisë uli normën bazë të interesit në 2.5% në korrik, ulja e tretë që nga vera e vitit 2024.

“Rreziqet kryesore për ekonominë shqiptare lidhen me mundësinë e ngadalësimit të kërkesës në Eurozonë, uljen e dërgesave të emigrantëve dhe faktorët klimatikë si thatësira, të cilat mund të ndikojnë negativisht si në bujqësi, ashtu edhe në prodhimin e energjisë elektrike. Nga ana tjetër, reformat strukturore dhe përparimet drejt integrimit në BE mbeten një burim potencial për forcimin e perspektivës së rritjes”, -thuhet në raport.

Ekonomia shqiptare mbetet në një trajektore të qëndrueshme, me pritshmëri pozitive për vitin 2026 e në vijim./CNA

 

 

 

 





Lajmet e fundit nga